Deuteronomio 2:11 - Marahay na Bareta Biblia

¹¹ Arog kan mga Anakim, inapod man sindang Refaim, alagad Emim an apod sainda kan mga Moabita.

Deuteronomio 2:11 ပူးပေါင်းရင်းမြစ်များ

Genesis 14:5

Sa ikakatorseng taon, ginera asin dinaog ni Kedorlaomer patin kan saiyang kaapil na mga hade an mga Refaim kan Asterot-karnaim, an mga Zuzim duman sa Ham, an mga Emim sa kapatagan nin Kiriataim,

Genesis 6:4

Sa mga aldaw na idto asin sa mga nagsunod pang panahon, nagkaigwa nin mga higante sa kinaban. An mga ini an nagin aki kan mga aking babae kan mga tawo asin kan mga aki nin Dios; sinda an mga bantog saka makokosog na mga tawo kan enot na panahon.

2 Samuel 21:16

Sarong higante na an ngaran Isbibenob, na may darang bronseng garod na tolo may kabangang kilo an gabat asin sarong bagong espada, an naghona na magagadan niya si David.

Mga Bilang 13:22

Nagduman ngona sinda sa habagat na parte kan daga nin Canaan dangan sa Hebron, saen nag-eerok an mga kamaganakan ni Ahiman, ni Sesai asin ni Talmai, an kapagarakian kan sarong rasa nin mga higante na inaapod Anakim. (Pinatindog an Hebron mga pitong taon bago mapatindog an Zoan sa Egipto.)

Mga Bilang 13:28

Alagad mapangyari an mga nag-eerok duman. Darakula an saindang mga syudad sagkod matitibay an mga kudal. Laen pa kaiyan nahiling mi man an kapagarakian kan mga higante.

Mga Bilang 13:33

Dangan nakahiling pa kami duman nin mga higante, an kapagarakian ni Anak. Sa paghiling mi, garo sana kami mga doron, asin arog man siguro kaiyan an paghona ninda samo.”

Deuteronomio 1:28

Tano na magduman kita? Tinakot kita kan satuyang mga sinugo na nagsasabing darakula saka haralangkaw ki sa sato an mga tawo duman, asin nag-eerok sinda sa mga syudad na an kudal abot sa langit. Nakahiling sinda nin mga higante duman!’

Deuteronomio 2:20

Dating nag-erok duman an mga Refaim, na inapod Zamsummim kan mga Ammonita.

Deuteronomio 3:11

An hadeng si Og iyo an natada sa mga Refaim. An saiyang kabaong, na gibo sa lansang, igwa nin sukol na haros duwang metro an lakbang asin apat na metro an laba sosog sa kinaugalean na sukol. Yaon pa ini sagkod ngunyan sa syudad nin Rabba sa daga kan mga Ammonita.)

Deuteronomio 9:2

Haralangkaw saka makokosog an mga tawo duman; mga higante sinda asin nadangog na nindo na mayong makakadaog sainda.