Deuteronomio 19:5 - Marahay na Bareta Biblia

⁵ Halimbawa igwa nin duwang lalaking magkaibahan na nagpasiring sa kadlagan sa pagputol nin kahoy, dangan mantang nagpuputol nin kahoy an saro, natangkas an tarom kan saiyang patok asin nakatama sa saiyang kaibahan na iyo an ikinagadan kaini, an nakagadan pwedeng magduman sa saro sa tolong syudad na iyan asin siya magigin ligtas duman.

Deuteronomio 19:5 ပူးပေါင်းရင်းမြစ်များ

2 Mga Hade 6:4

asin naglakaw siya kaiba ninda. Pag-abot ninda sa Jordan, nagpoon sindang magpalod nin kahoy.

Mga Talinhaga 27:12

Minatago an madonong kun may nahihiling na pag-alaman, alagad dai minalikay an mangmang asin pinagdudusahan niya iyan.

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Mga Bilang 35:25

An nakagadan ililigtas kan komunidad sa kadugo kan nagadan. Ibabalik ninda an nakagadan sa syudad na pinagpailihan niya. Kaipuhan duman siya mag-erok sagkod na buhay pa an Halangkaw na Padi sa panahon na iyan.

Deuteronomio 19:4

Kun an sarong tawo dai tuyong makagadan nin kapwa na bako man niya kaiwal, pwede siyang makadulag pasiring sa saro kan mga syudad na iyan tanganing makaligtas siya.

Deuteronomio 19:6

Kun saro sana an syudad, pwedeng harayo ini nin marahay, kaya pwedeng maabotan kan kadugo kan nagadan an lalaking nakagadan, asin sa saiyang kaanggotan, ini saiyang magadan minsan inosente, huli ta aksidente man sana an pakagadan niya sa lalaki na bako man niya kaiwal.