Deuteronomio 18:8 - Marahay na Bareta Biblia

⁸ Arog kan ibang padi, mag-aako siya nin parehong kahirasan nin pagkakan, asin pwede niyang sarayon an ano man na padara kan saiyang pamilya.

Deuteronomio 18:8 ပူးပေါင်းရင်းမြစ်များ

2 Mga Cronica 31:4

Pinagbotan man kan hade an mga nag-eerok sa Jerusalem na magdara kan mga dolot na kahirasan kan mga padi saka mga Levita, tanganing idusay ninda an bilog nindang panahon sa pag-otob kan kahagadan kan Katogonan nin Kagurangnan.

Nehemias 12:44

Kan aldaw na idto, may mga lalaki na ibinugtak na namamahala kan mga kwartong sarayan kan mga kontribusyon, mga tinagba asin mga himoloan sa taon-taon. Sinda an nag-ako kan mga kahirasan hale sa mga oma na harani sa manlaen-laen na syudad para sa mga padi saka mga Levita, sosog sa hinahagad kan Katogonan. Nawilihan kan bilog na banwaan nin Juda an mga padi saka mga Levita,

Nehemias 12:47

Kan panahon ni Zerubabel asin kan panahon ni Nehemias, an bilog na banwaan nin Israel aroaldaw nagtatao nin mga regalo para sa mga parakanta asin para sa mga bantay kan Templo. Nagtao man sinda nin sagradong dolot sa mga Levita, asin an mga ini nagtao kan maninigong kahirasan para sa mga padi.

Levitico 27:30

An ikasampolong parte kan gabos na bunga kan daga, trigo man o bunga nin kahoy, pagsadiri nin Kagurangnan.

Levitico 7:14

Makua siya nin saro sa manlaen-laen na klase nin tinapay na dara niya bilang espesyal na dolot sa Kagurangnan; magigin sadiri iyan kan padi na maula kan dugo kan dolot para sa katoninongan.

Mga Bilang 18:21

Nagtaram an Kagurangnan, “Itinatao ko sa mga Levita an lambang himoloan na idinodolot sako kan banwaan nin Israel. Iyan an bayad sa pag-ataman ninda kan Tabernakulo.

Lukas 10:7

Diyan kamo mag-erok sa harong na iyan; magkakan kamo saka mag-inom kan anoman na itao saindo, huli ta an trabahador maninigong bayadan. Dai kamo magburubalyo sa manlaen-laen na harong.

Deuteronomio 18:7

asin duman pwedeng maglingkod siya bilang padi nin Kagurangnan na saiyang Dios, siring kan ibang Levita na naglilingkod duman.