Deuteronomio 18:22 - Marahay na Bareta Biblia

²² Kun an sarong propeta magtaram sa ngaran nin Kagurangnan, dangan dai magkatotoo an saiyang sinabi, kun siring, bako iyan mensahe nin Kagurangnan. Nagtaram an propetang iyan sa saiyang sadiring kapangyarihan, asin dai kamo dapat na matakot saiya.

Deuteronomio 18:22 ပူးပေါင်းရင်းမြစ်များ

1 Mga Hade 22:28

Nagsabi si Micaias, “Kun makabalik kang ligtas sa pag-alaman, an Kagurangnan dai mananggad nagtaram sa paagi ko!” Asin nagsabi pa siya, “Pagdangog kamo gabos!”

2 Mga Hade 20:1

Kan panahon na idto, naghelang si Hadeng Ezekias asin haros magadan siya. Dinalaw siya kan propetang si Isaias na aking lalaki ni Amoz asin sinabihan, “Tinataraman ka nin Kagurangnan na husayon mo an gabos na bagay, huli ta magagadan ka. Dai ka na mararahay.”

Mga Talinhaga 26:2

An mga maldisyon na bakong maninigo dai nagkakatotoo. Arog iyan sa gamgam na naglalayog asin dai nanggad minatugdon.

Isaias 41:22

Madya kamo digdi asin isabi nindo an mangyayari, tanganing mamidbid nyato iyan kun mangyari na. Ipaliwanag nindo sa hukoman an mga pangyayari kan nakaaging panahon, dangan sabihi kami kun ano an saindang kahulogan.

Jonas 3:4

Nagpoon sa paglakaw sa syudad si Jonas, asin pakalakaw niya nin sarong aldaw, nagpahayag siya, “Matutunaw an Nineve pakalihis nin kwarentang aldaw!”

Jonas 4:2

Kaya namibi siya, “Kagurangnan, bakong sinabi ko na kaidto bago ako nagdigdi na iyo ini an gigibohon mo? Kaya hiningowa kong magdulag pasiring sa Espanya. Aram ko na ika sarong Dios na mamomoton, maheherakon, matinios, maboot, asin danay na andam na magbago nin isip asin dai na magpadusa.

Zacarias 2:13

Pag-alo kamo gabos sa atubang nin Kagurangnan, huli ta madigdi siya hale sa saiyang banal na erokan.

Deuteronomio 18:20

Alagad kun igwa nin sarong propeta na mangahas magpahayag nin mensahe sa ngaran ko, na dai ko man ipinagboot na gibohon, magagadan siya huli kaiyan. Siring man, magagadan an siisay man na propeta na magtaram sa ngaran nin ibang dios.’

Deuteronomio 18:21

“Siguro saindong iisipon kun paano nindo maaaraman na an mensahe kan propeta bakong hale sa Kagurangnan.

1 Samuel 3:19

Nagdakula si Samuel na danay na iniibahan nin Kagurangnan; inotob niya an lambang sinabi ni Samuel.