Deuteronomio 18:21 - Marahay na Bareta Biblia

²¹ “Siguro saindong iisipon kun paano nindo maaaraman na an mensahe kan propeta bakong hale sa Kagurangnan.

Deuteronomio 18:21 ပူးပေါင်းရင်းမြစ်များ

Jeremias 28:9

Manongod sa propetang nagpapahayag nin katoninongan, masasabing totoong sugo siya nin Kagurangnan kun nagkakatotoo an saiyang pahayag.”

Zacarias 2:13

Pag-alo kamo gabos sa atubang nin Kagurangnan, huli ta madigdi siya hale sa saiyang banal na erokan.

Deuteronomio 18:20

Alagad kun igwa nin sarong propeta na mangahas magpahayag nin mensahe sa ngaran ko, na dai ko man ipinagboot na gibohon, magagadan siya huli kaiyan. Siring man, magagadan an siisay man na propeta na magtaram sa ngaran nin ibang dios.’

Deuteronomio 18:22

Kun an sarong propeta magtaram sa ngaran nin Kagurangnan, dangan dai magkatotoo an saiyang sinabi, kun siring, bako iyan mensahe nin Kagurangnan. Nagtaram an propetang iyan sa saiyang sadiring kapangyarihan, asin dai kamo dapat na matakot saiya.

1 Tesalonica 5:24

Siya na nag-aapod saindo an magibo kaiyan, huli ta siya maimbod.

Kapahayagan 2:2

Aram ko an mga ginibo mo, an saimong kapagalan saka an saimong pagkamatinios. Aram ko na dai mo matitios an mga maraot na tawo. Binalo mo an mga nagsasabi na sinda mga apostol, na bako man totoo, asin napatunayan mo na mga putikon sinda.

1 Samuel 3:20

Kaya an gabos na tawo sa Israel, magpoon sa sarong poro kan daga sagkod sa ibong na poro, nakaaram na si Samuel sarong tunay na propeta nin Kagurangnan.