Deuteronomio 18:14 - Marahay na Bareta Biblia

¹⁴ Dangan nagsabi si Moises, “Sa daga na lalaogan nindo, an mga tawo nagsusunod sa mga hulit kan mga paratood-tood saka mga parahula; alagad ipinapangalad nin Kagurangnan na saindong Dios an paggibo nindo kaiyan.

Deuteronomio 18:14 ပူးပေါင်းရင်းမြစ်များ

Genesis 20:6

Nagsimbag an Dios sa pangatorogan, “Aram kong malinig an saimong konsyensya kaya dai ko itinugot na magkasala ka sako asin madotdot mo siya.

2 Mga Hade 21:6

Isinakripisyo niya an saiyang aking lalaki bilang tinutong na atang. Naghula siya asin nagsalamangka. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

Isaias 2:6

O Dios, pinabayaan mo an saimong banwaan, an mga kapagarakian ni Jacob! Lakop na an daga kan mga salamangkero hale sa sirangan asin hale sa daga nin Filistia. Sinusunod kan mga tawo an dayuhan na mga gawe.

Jeremias 27:9

Dai kamo maghinanyog sa saindong mga propeta o sa kiisay man na nagsasabi na pwede niyang hulaan an maabot na panahon sa paagi nin mga pangatorogan o sa pag-apod kan mga kalag kan mga gadan o sa salamangka. Gabos sinda nagsasabi saindo na dai kamo magpairarom sa hade nin Babilonia.

Daniel 2:27

Nagsimbag si Daniel, “Mahal na Hade, mayo nin madonong, salamangkero, parahula, o astrologo na makakapagsabi saimo kaiyan.

Mikas 5:12

Raraoton ko an ginagamit nindong salamangka dangan babayaan ko kamong mayo ni sarong parahula.

Mga Gibo 14:16

Kan nakaaging mga panahon, pinabayaan nin Dios an gabos na nasyon na maggibo kan sadiri nindang kabotan.

Deuteronomio 18:10

Dai nindo pagtutongon sa altar an saindong mga aki bilang atang; dai nindo pagtugotan an siisay man na Israelita na maghula, maghimalad, magtood-tood o mangkulam,