Deuteronomio 18:11 - Marahay na Bareta Biblia

¹¹ maggamit nin anting-anting, mag-espiritista o magsalamangka.

Deuteronomio 18:11 ပူးပေါင်းရင်းမြစ်များ

Exodo 22:18

“Dai nindo pagtugotan na mabuhay an babaeng mangkukulam.

Isaias 8:19

Alagad sasabihan kamo kan mga tawo na maghagad nin mga mensahe sa mga parahula saka mga nakikiolay sa mga gadan na naghuhuni asin nagugumodgumod. Masabi sinda, “Kaipuhan makihumapot an mga tawo sa mga espiritu asin maghapot sa gadan para sa mga buhay pa.”

Levitico 19:26

“Dai kamo magkakan kan arin man na karne na igwa pa nin dugo. Dai kamo maggibo nin ano man na klase nin salamangka.

Levitico 19:31

“Dai kamo maghagad nin hatol sa mga espiritista. Kun gibohon nindo iyan, magigin maati kamo. Ako an Kagurangnan na saindong Dios.

Levitico 20:27

“An siisay man na lalaki o babaeng magkonsulta sa espiritu kan mga gadan, gagapoon sagkod na magadan; siya an responsable kan saiyang kagadanan.”

Levitico 20:6

“An siisay man na magduman sa mga espiritista asin maghagad sainda nin hatol, magigin kaiwal ko asin dai ko na ibibilang na kaayon sa sakuyang banwaan.

Mga Gibo 16:16

Sarong aldaw, kan kami paduman sa lugar nin pamibian, sinabat kami nin sarong daragang oripon. Igwa siya nin maraot na espiritu na nagtatao saiya nin kapangyarihan sa paghula. Dakul na kwarta an nakukua niya sa panghuhula para sa saiyang mga kagurangnan.

1 Samuel 28:8

Kaya nagsulot nin ibang mga gubing si Saul tanganing dai siya mamidbidan dangan nagduman sa babae. Banggi siyang naghale kaiba an duwa kan saiyang mga tawohan. “Makihumapot ka sa mga espiritu para sako, asin sabihan mo ako kun ano an mangyayari,” an olay ni Saul sa babae. “Apodon mo an espiritu kan lalaking ngangaranan ko.”