Deuteronomio 18:10 - Marahay na Bareta Biblia

¹⁰ Dai nindo pagtutongon sa altar an saindong mga aki bilang atang; dai nindo pagtugotan an siisay man na Israelita na maghula, maghimalad, magtood-tood o mangkulam,

Deuteronomio 18:10 ပူးပေါင်းရင်းမြစ်များ

Genesis 44:5

Tano ta hinabon nindo an platang kalis kan sakong kagurangnan? An kalis na idto an saiyang iniinoman asin ginagamit sa paghula. Grabe an saindong naginibong pagkakasala!’”

2 Mga Hade 16:3

asin sinunod niya an paarog kan mga hade nin Israel. Maski an sadiri niyang aking lalaki tinutong niya bilang atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Hade 17:15

Isinikwal ninda an saiyang mga katukdoan, dai ninda kinuyog an tipan na ginibo niya sa saindang mga ginikanan, asin dai ninda dinangog an saiyang mga patanid. Sinamba ninda an mayong halagang mga ladawan asin sinda mismo nawaraan nin halaga; inarog ninda an mga gawe kan mga nasyon na nakapalibot sainda, mga gawe na ipinangalad sainda nin Kagurangnan.

2 Mga Hade 17:17

Tinutong ninda an saindang mga aking lalaki saka babae bilang mga atang. Naghula saka nangkulam sinda, asin itinalaga ninda an saindang sadiri sa paggibo kan maraot sa atubang nin Kagurangnan; pinaanggot ninda an Kagurangnan.

2 Mga Hade 21:6

Isinakripisyo niya an saiyang aking lalaki bilang tinutong na atang. Naghula siya asin nagsalamangka. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

2 Mga Hade 23:24

Laen pa kaiyan, hinale ni Josias an mga espiritista, an mga parahula, an mga dios-dios asin mga ladawan, dangan an gabos na makauuyam na bagay na nahiling sa daga nin Juda saka sa Jerusalem tanganing maotob an katogonan na nasusurat sa libro na nanumpongan kan halangkaw na padi na si Hilkias duman sa Templo.

1 Mga Cronica 10:13

Nagadan si Saul huli ta dai siya nagin maimbod sa Kagurangnan. Linapas niya an mga pagboot nin Kagurangnan; nakihumapot siya sa sarong espiritista sa paghagad nin kapaliwanagan,

2 Mga Cronica 28:3

dangan nagtutong siya nin insenso sa Kapantayan nin Hinnom. Tinutong niya an sadiri niyang mga aking lalaki bilang mga atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Cronica 33:6

Isinakripisyo niya an saiyang mga aking lalaki bilang mga tinutong na atang duman sa Kapantayan nin Hinnom. Naghula siya, nagsalamangka asin nangkulam. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

Exodo 22:17

Alagad kun habong ipakasal kan ama an saiyang aking babae, an lalaki dapat magtao sa ama kan kantidad na pareho kan dote para sa sarong birhen.

Exodo 22:18

“Dai nindo pagtugotan na mabuhay an babaeng mangkukulam.

Isaias 47:13

Mayo ka nin nagiginibo maski kadakul na kan hatol saimo. Padoloka an saimong mga astrologo asin magpatabang ka sainda— sinda na nag-aadal kan mga bitoon, na naggigibo nin mapa kan kalangitan asin nagsasabi saimo bulan-bulan kun ano an mangyayari saimo.

Jeremias 27:10

Dinadaya ninda kamo asin magigin dahelan iyan tanganing iharayo kamo sa saindong daga. Aalawon ko kamo asin mapapahamak kamo.

Jeremias 27:9

Dai kamo maghinanyog sa saindong mga propeta o sa kiisay man na nagsasabi na pwede niyang hulaan an maabot na panahon sa paagi nin mga pangatorogan o sa pag-apod kan mga kalag kan mga gadan o sa salamangka. Gabos sinda nagsasabi saindo na dai kamo magpairarom sa hade nin Babilonia.

Jeremias 32:35

Naggibo sinda nin mga altar ki Baal sa Kapantayan nin Hinnom, tanganing idolot sa dios-dios na si Molec an saindang mga aking lalaki saka babae. Dai ako nagboot ni nag-isip na ipagibo sainda an siring na bagay asin papagkasalaon an mga taga Juda.”

Jeremias 7:31

Sa Kapantayan nin Hinnom guminibo sinda nin altar na inapod Tofet, tanganing tutongon duman an saindang mga aking lalaki asin mga aking babae bilang sakripisyo. Dai ko ipinagboot sainda na gibohon ini—dai ngani ini naglaog sa sakong isip.

Levitico 19:26

“Dai kamo magkakan kan arin man na karne na igwa pa nin dugo. Dai kamo maggibo nin ano man na klase nin salamangka.

Levitico 19:31

“Dai kamo maghagad nin hatol sa mga espiritista. Kun gibohon nindo iyan, magigin maati kamo. Ako an Kagurangnan na saindong Dios.

Levitico 20:6

“An siisay man na magduman sa mga espiritista asin maghagad sainda nin hatol, magigin kaiwal ko asin dai ko na ibibilang na kaayon sa sakuyang banwaan.

Mikas 5:12

Raraoton ko an ginagamit nindong salamangka dangan babayaan ko kamong mayo ni sarong parahula.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Mga Gibo 19:19

Tinipon nin dakul na salamangkero an mga libro ninda dangan sinulo sa atubangan kan mga tawo. An halaga kan mga libro nag-abot sa singkwenta mil na kwartang plata.

Mga Gibo 8:9

Sa syudad na idto igwa nin lalaki na an ngaran Simon, na sa nakaaging panahon pinangalas an mga taga Samaria kan saiyang salamangka. Nagpabantog siya na saro siyang dakulang tawo,

Galacia 5:20

pagsamba sa mga dios-dios, pagtubod sa kulam, pag-iriwal, karibokan, pag-imon, aranggotan, pagkamaimot, pagkabaranga, pag-apil sa partido o grupo;

Deuteronomio 12:31

Dai nindo pagsambahon an Kagurangnan na saindong Dios siring kan pagsamba ninda sa saindang mga dios-dios, huli ta sa saindang pagsamba, minagibo sinda nin mangirhat na mga bagay na ikinakaongis nin Kagurangnan. Maski an saindang mga aki tinututong ninda sa saindang mga altar.

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”

1 Samuel 28:3

Gadan na kaidto si Samuel, asin nagmondo an gabos na Israelita para saiya; ilinubong siya ninda sa Rama na sadiri niyang banwa. Pinahale na kaidto ni Saul sa Israel an gabos na espiritista asin parahula.

1 Samuel 28:7

Pinagbotan ni Saul an saiyang mga opisyal, “Ihanap nindo ako nin sarong babaeng espiritista, tanganing magduman ako asin makihumapot saiya.” “Igwa nin saro sa Endor,” an simbag ninda.

1 Samuel 28:8

Kaya nagsulot nin ibang mga gubing si Saul tanganing dai siya mamidbidan dangan nagduman sa babae. Banggi siyang naghale kaiba an duwa kan saiyang mga tawohan. “Makihumapot ka sa mga espiritu para sako, asin sabihan mo ako kun ano an mangyayari,” an olay ni Saul sa babae. “Apodon mo an espiritu kan lalaking ngangaranan ko.”

1 Samuel 28:9

Nagsimbag an babae, “Aram mo na gayod an ginibo ni Saul, kun paano niya pinahale an mga parahula asin mga espiritista sa Israel. Tano ta dinadagka mo ako na maggibo kan magigin dahelan na mahidali an sakong kagadanan?”