Deuteronomio 17:8 - Marahay na Bareta Biblia

⁸ “Kun igwa nin mga kaso na dipisil hukoman kan mga hukom sa saindong mga banwa, arog baga kun siisay an tunay na kagsadiri, o mga kaso nin pangungulog asin nin paggadan o dai tinuyong paggadan, an mga ini darahon nindo duman sa lugar na pagsasambahan na pinili nin Kagurangnan na saindong Dios.

Deuteronomio 17:8 ပူးပေါင်းရင်းမြစ်များ

2 Samuel 15:2

Danay siyang amay na minabangon dangan minatindog sa gilid kan dalan palaog sa syudad. An siisay man na minaagi duman na igwa nin kaso na boot darahon sa hade tanganing hukoman, inaapod ni Absalom saka hinahapot kun saen siya hale. Pakasabi ki Absalom kun sa anong tribu siya gikan,

1 Mga Cronica 26:29

Sa kapagarakian ni Izar, si Kenaias saka an saiyang mga aking lalaki iyo an napili bilang mga kansilyer asin mga hukom.

Exodo 18:15

Nagsimbag si Moises, “Kaipuhan na gibohon ko ini huli ta boot maaraman kan mga tawo an kabotan nin Dios.

Exodo 18:26

Sinda an naglingkod bilang mga hukom kan mga tawo sa gabos na panahon. Dinara ninda ki Moises an masakit na mga kaso alagad sinda na an naghukom kan masayon.

Exodo 21:20

“Kun pakolon nin sugkod kan sarong tawo an saiyang oripon na lalaki o babae, dangan nagadan tolos an saiyang oripon, an kagurangnan dapat na padusahan.

Exodo 21:22

“Kun an mga nag-iiwal makakulog nin sarong bados na nagin dahelan na ini makuahan, alagad mayo na nin ibang maraot na nangyari sa babae, an nakakulog mabayad kan kantidad na hahagadon saiya kan agom kan babae sosog sa pagboot kan mga hukom.

Exodo 21:28

“Kun an sarong lalaki o babae magadan sa suag nin baka, gagapoon an baka asin dai pagkakanon an karne kaiyan, alagad an kagsadiri dai dapat padusahan.

Exodo 22:2

Dapat niyang bayadan an saiyang hinabon; kun dai siyang ibabayad, siya an ipapabakal bilang oripon tanganing mabayadan niya an saiyang hinabon. Kun an hinabon na hayop, baka, asno o karnero man, buhay pang nakua sa saiya, an sarong hayop babayadan niya nin duwa. “Kun bangging nadakop asin nagadan an nagsalakat sa sarong harong, dai sasalaon an nakagadan. Alagad kun aldaw ini nangyari, sisimbagon niya an buhay kan nagadan.

Exodo 22:8

Alagad kun dai madakop an mahabon, an nagsaray iaatubang sa Dios tanganing magsumpa na dai niya hinabon an pagrogaring na iwinalat saiya.

Ezekiel 44:24

Kun igwa nin kaso an mga namamanwaan, sinda an magigin hukom asin huhukoman ninda an kaso sosog sa sakong mga togon. Kaipuhan kuyogon ninda an sakong mga togon saka mga pagboot manongod sa sakong mga talaan na pyesta, asin pakabanalon ninda an mga Sabbath.

Hageo 2:11

Nagtaram siya, “Hagadon mo sa mga padi na tawan nin desisyon an hapot na ini:

Malakias 2:7

Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.

Mga Bilang 35:11

mapili kamo nin mga syudad na pailihan tanganing an sarong tawo na dai tuyong makagadan nin kapwa pwedeng magdulag pasiring duman.

Mga Bilang 35:16

“Alagad kun an sarong tawo maggamit nin armas na lansang o gapo o kahoy tanganing gadanon an kapwa, nagkasala siya nin paggadan asin dapat gadanon.

Deuteronomio 1:17

Dai kamo magpaorog sa kiisay man; hukoman nindo nin matanos an gabos, maski siisay siya. Dai kamo matakot sa kiisay man, huli ta hale sa Dios an paghukom na itatao nindo. Kun an kaso dipisil para saindo, darahon nindo sako, asin ako an madesisyon kaiyan.’

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:14

kundi duman sana sa lugar na pipilion nin Kagurangnan hale sa gabos na daga kan saindong mga tribu. Duman nanggad sana nindo idolot an saindong mga tinutong na atang asin duman nindo gibohon an gabos na ipinagboboot ko saindo.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 19:17

an duwa maduman sa lugar na pagsasambahan asin maatubang sa mga padi saka mga hukom na nakatalaan sa panahon na iyan.

Deuteronomio 19:4

Kun an sarong tawo dai tuyong makagadan nin kapwa na bako man niya kaiwal, pwede siyang makadulag pasiring sa saro kan mga syudad na iyan tanganing makaligtas siya.

Deuteronomio 21:5

Maduman man an mga pading Levita huli ta sinda an mahukom kan lambang kaso manongod sa kadahasan. Pinili sinda nin Kagurangnan na saindong Dios tanganing maglingkod saiya asin magbendisyon sa ngaran niya.

Deuteronomio 25:1

“Halimbawa nag-iwal an duwang lalaki asin nag-atubang sinda sa hukoman, dangan ibinaba kan hukom an desisyon na pagpatalingkas kan mayong sala asin pagkondenar kan nagkasala.