Deuteronomio 17:3 - Marahay na Bareta Biblia

³ sa pagsamba asin paglingkod sa ibang mga dios o sa pagsamba sa aldaw, sa bulan o sa mga bitoon, na tumang sa pagboot nin Kagurangnan.

Deuteronomio 17:3 ပူးပေါင်းရင်းမြစ်များ

Genesis 2:1

Kaya nahaman an kalangitan asin an daga.

2 Mga Hade 21:3

Ipinatugdok niya giraray an paganong mga lugar na pagsasambahan na ginaba kan saiyang ama na si Ezekias. Nagtugdok siya nin mga altar para ki Baal asin naggibo nin mga imahen kan diosang si Asera, arog kan ginibo ni Ahab na hade nin Israel. Nagsamba saka naglingkod siya sa mga bitoon.

Exodo 22:20

“Dapat gadanon an siisay man na mag-atang sa arin man na dios-dios, huli ta ako sana, an Kagurangnan, an dapat dolotan nin atang.

Jeremias 19:5

Nagtugdok sinda nin mga altar para ki Baal tanganing tutongon an saindang mga aki bilang sakripisyo. Dai ko ipinagboot na gibohon ninda ini; dai lamang iyan naglaog sa sakong isip.

Jeremias 32:35

Naggibo sinda nin mga altar ki Baal sa Kapantayan nin Hinnom, tanganing idolot sa dios-dios na si Molec an saindang mga aking lalaki saka babae. Dai ako nagboot ni nag-isip na ipagibo sainda an siring na bagay asin papagkasalaon an mga taga Juda.”

Jeremias 7:31

Sa Kapantayan nin Hinnom guminibo sinda nin altar na inapod Tofet, tanganing tutongon duman an saindang mga aking lalaki asin mga aking babae bilang sakripisyo. Dai ko ipinagboot sainda na gibohon ini—dai ngani ini naglaog sa sakong isip.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Ezekiel 8:16

Kaya dinara niya ako sa patyong nasa laog kan Templo, asin duman sa may pintoan kan santwaryo, sa pagultanan kan patyo asin kan altar, igwa nin beynte y singkong lalaki. Nakatalikod sinda sa santwaryo, asin nakahampang sa sirangan, nagduduko sa pagsamba sa nagsisirang na aldaw.

Deuteronomio 11:16

Mag-ingat kamo tibaad madaya kamo asin talikodan nindo an Kagurangnan dangan magsamba kamo asin maglingkod sa mga dios-dios.

Deuteronomio 17:4

Kun madangog nindo an siring na bareta, kaipuhan siyasaton nindo nin marahay. Kun totoo na nangyari an siring na karatan sa Israel,

Deuteronomio 4:19

Magmaan kamo ta tibaad sambahon nindo asin paglingkodan an nahihiling nindo sa langit—an aldaw, an bulan, saka an mga bitoon. Itinao nin Kagurangnan na saindong Dios an mga ini sa ibang mga banwaan tanganing saindang pagsambahon.

Josue 23:16

Kun dai kamo magkuyog kan tipan na ipinagboot nin Kagurangnan na saindong Dios na sunodon nindo, saka kun maglingkod kamo dangan magsamba sa ibang mga dios, malaad saindo an kaanggotan nin Kagurangnan asin tolos na magagadan kamo, sagkod na mayo nang matada saindo digdi sa marahay na dagang itinao niya saindo.”