Deuteronomio 17:19 - Marahay na Bareta Biblia

¹⁹ Kaipuhan danay na harani saiya an librong iyan, asin kaipuhan basahon niya iyan sa bilog niyang pagkabuhay tanganing makanood siyang maggalang sa Kagurangnan asin maimbod na magkuyog kan gabos na togon saka pagboot na nasa librong iyan.

Deuteronomio 17:19 ပူးပေါင်းရင်းမြစ်များ

2 Mga Hade 22:10

Dangan nagsabi siya, “Tinawan ako ni Hilkias nin sarong libro.” Makosog niya ining binasa sa hade.

Salmo 1:2

Alagad an saiyang kaogmahan nasa Katogonan nin Kagurangnan; ini aldaw-banggi niyang pinag-aadalan.

Juan 5:39

Pinag-aadalan nindo an mga Kasuratan, huli ta naghohona kamong diyan makukua an buhay na daing kataposan. An mismong mga kasuratan an nagpapatotoo dapit sako!

Deuteronomio 11:18

“Kaya giromdoma nindo asin kamotan ining mga pagboot. Igakod nindo an mga iyan sa saindong mga kamot sagkod sa saindong mga angog bilang tanda.

Deuteronomio 4:10

an manongod sa aldaw na nagtindog kamo sa atubang nin Kagurangnan na saindong Dios duman sa Bukid nin Sinai, kan siya magtaram sako, ‘Tipona sa atubang ko an gabos na tawo. Boot kong dangogon ninda an sakuyang itataram, tanganing makanood sindang matakot sako sa bilog nindang pagkabuhay, asin tanganing itukdo man ninda an siring sa saindang mga aki.’

Deuteronomio 4:9

Magmaan kamo. Dai nanggad nindo paglingawan, sa bilog nindong pagkabuhay, an mga bagay na saindong nahiling. Iosip nindo sa saindong mga aki asin mga makoapo,

Deuteronomio 5:1

Tinipon ni Moises an bilog na Israel asin sinabihan, “Banwaan nin Israel, dangoga nindo an mga togon asin mga pagboot na itatao ko saindo ngunyan na aldaw. Saboton asin kuyogon nanggad nindo an mga iyan.

Josue 1:8

Dai mo paglingawan na basahon an libro kan katogonan sa saimong pagsamba. Horophoropon mo iyan aldaw-banggi, saka kuyogon mo nanggad an mga nakasurat diyan. Dangan magigin mauswag ka asin paladan.