Deuteronomio 17:18 - Marahay na Bareta Biblia

¹⁸ Kun hade na siya, kaipuhan magkaigwa siya nin kopya kan libro nin mga togon saka mga pagboot nin Dios, na kinopya sa orihinal na libro na nasa pangataman kan mga pading Levita.

Deuteronomio 17:18 ပူးပေါင်းရင်းမြစ်များ

1 Mga Hade 2:3

Giboha an anoman na ipagboot saimo nin Kagurangnan na saimong Dios. Kuyogon mo an gabos niyang togon asin pagboot, siring sa nasusurat sa Togon ni Moises, tanganing minsan saen ka man magduman mag-uswag ka sa gabos mong gibo.

2 Mga Hade 11:12

Dangan ilinuwas ni Jehoiada si Joas, kinoronahan, saka tinawan kan kopya kan katogonan nin paghahade. Ginibo nindang hade si Joas; asin linahidan ini nin lana. Dangan nag-oropak an mga tawo saka nagkururahaw, “Mabuhay an hade!”

2 Mga Hade 22:8

An pagboot kan hade itinao ni Safan ki Hilkias. Dangan sinabihan ni Hilkias an sekretaryo na si Safan, “Nakua ko sa Templo an libro kan Katogonan.” Itinao niya an libro ki Safan asin binasa ini ni Safan.

2 Mga Cronica 34:15

Sinabihan ni Hilkias an sekretaryo na si Safan, “Nakua ko sa Templo an libro kan Katogonan.” Itinao niya an libro ki Safan,

Deuteronomio 31:9

Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.

Josue 1:8

Dai mo paglingawan na basahon an libro kan katogonan sa saimong pagsamba. Horophoropon mo iyan aldaw-banggi, saka kuyogon mo nanggad an mga nakasurat diyan. Dangan magigin mauswag ka asin paladan.