Deuteronomio 17:17 - Marahay na Bareta Biblia

¹⁷ An hade dai dapat magkaigwa nin dakul na agom huli ta sinda an madara saiya na talikodan an Kagurangnan; dai siya dapat magpayaman sa plata asin sa bulawan.

Deuteronomio 17:17 ပူးပေါင်းရင်းမြစ်များ

Genesis 2:24

Kaya babayaan nin lalaki an saiyang ama saka ina dangan masaro sa saiyang agom na babae, asin sindang duwa magigin saro.

2 Samuel 12:11

Isinusumpa kong papalatawon ko an sarong tawo hale sa saimong pamilya tanganing darahan ka nin karatan. Sa atubang mo, kukuahon ko an saimong mga agom dangan itatao ko sinda sa ibang lalaki. Sa liwanag nin aldaw, dodorogan ninda an saimong mga agom.

2 Samuel 5:13

Pakabalyo ni David sa Jerusalem hale sa Hebron, nagkaigwa pa siya nin dakul na kasaroan asin agom; dakul an nagin aki niyang lalaki saka babae.

1 Mga Hade 10:21

Bulawan an gabos na inoman na kalis ni Hadeng Solomon asin purong bulawan man an gabos na kagamitan sa Sala kan Kadlagan nin Lebanon. Mayong platang ginamit huli ta ibinilang ini na mayo nin halaga sa panahon ni Solomon.

1 Mga Hade 10:27

Sa Jerusalem, kan panahon ni Solomon, an plata ordinaryo sana siring sa gapo, asin an sedro arog kadakul kan ordinaryong kahoy na sikomoro duman sa Sefela.

1 Mga Cronica 14:3

Nagkaigwa pa nin dakul na agom si David sa Jerusalem; dakul an nagin aki niyang lalaki saka babae.

2 Mga Cronica 1:15

Kan panahon nin paghahade ni Solomon, an bulawan asin plata ordinaryo sanang bagay sa Jerusalem arog sa gapo, asin an sedro arog kadakul sa sikomoro duman sa Sefela.

2 Mga Cronica 11:21

Nagkaigwa si Rehoboam nin dyes y otsong agom saka sesentang kasaroan, asin nagkaigwa siya nin beynte y otsong aking lalaki saka sesentang aking babae. Orog niyang namotan si Maaca ki sa gabos niyang agom saka kasaroan,

Nehemias 13:26

Sinabihan ko sinda, “Mga dayuhan na babae an nagin dahelan kan pagkasala ni Hadeng Solomon. Sa gabos na hade sa ibang nasyon mayo nin hade na mas nagin dakula ki sa saiya. Namotan siya nin Dios saka ginibong hade kan bilog na Israel, alagad nagkasala siya huli sa mga dayuhan na babae.

Salmo 62:10

Hare pagbugtakan an saindong pagsarig sa dahas; hare paglaom sa panghahabon; maski pa magdakul an saindong kayamanan, an saindong puso dai nindo ibugtak diyan.

Mga Talinhaga 31:3

Dai mo pagsayangon an saimong kosog sa mga babae asin an saimong kwarta sa sainda; ipapahamak ninda an hade.

Malakias 2:15

Bakong an Dios an nagsaro saindo sa hawak asin sa espiritu? Ano an katuyohan niya sa paggibo kaini? An katuyohan iyo na magkaigwa kamo nin mga aki na totoong diosnon. Kaya hingowahon nanggad nindo na mayo saindo nin maglapas kan saiyang panuga sa saiyang agom.

Mateo 13:22

An mga banhing nakasabwag sa lugar na matonok garo idtong mga tawo na nagdadangog kan tataramon, alagad an tataramon pinopoot kan mga kahaditan sa buhay na ini asin kan pagkamoot sa kayamanan, kaya dai nagbubunga.

Mateo 19:5

An Dios nagsabi, ‘Huli kaini, babayaan kan lalaki an saiyang ama asin ina, dangan masaro sa agom niya asin sindang duwa magigin saro.’

Lukas 12:15

Dangan inatubang niya an kadaklan saka nagsabi, “Mag-ingat kamo asin maglikay sa gabos na klase nin kaimotan, huli ta an tunay na buhay nin tawo bakong nasa kayamanan, dawa pa gurano siya kayaman.”

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.

1 Timoteo 6:9

Alagad an mga boot yumaman nahuhulog sa sogot saka nasisiod sa dakul na mayong kahulogan saka nakakakulog na mga pagmawot, na minaguyod sainda sa karatan asin sa kapahamakan.