Deuteronomio 17:16 - Marahay na Bareta Biblia

¹⁶ An hade dai dapat magkaigwa nin dakul na kabayo para sa saiyang hukbo; dai siya dapat magpadara nin mga tawo tanganing magbakal nin mga kabayo sa Egipto, huli ta ipinangalad nin Kagurangnan an pagbalik duman kan saiyang banwaan.

Deuteronomio 17:16 ပူးပေါင်းရင်းမြစ်များ

2 Samuel 8:4

Binihag ni David an mil syete syentos sa mga nakakabayong soldados ni Hadadezer asin beynte mil kan saiyang mga soldados. Pinirilayan niya an mga kabayo, alagad nagtada siya para sa sanggatos na karwahe.

1 Mga Hade 1:5

Kan panahon na iyan, si Adonias na an ina iyo si Haggit naghambog na magigin hade siya; nag-andam siya para sa sadiri niya nin mga karwahe, mga nangangabayo, asin singkwentang lalaki na masabay saiya kun siya naglalakaw.

1 Mga Hade 4:26

Igwa si Solomon nin kwarenta mil na kwadra para sa saiyang pangkarwaheng mga kabayo asin dose mil para sa mga nakakabayong mga soldados.

1 Mga Hade 5:6

Kaya magpadara ka sa Lebanon nin mga lalaki tanganing magpulak nin mga sedro para sako. Babayadan ko an saimong mga tawohan kan kantidad na sabihon mo. Matabang sana sainda an sakong mga tawohan huli ta aram mong mayo kaming mga marahay na parapulak nin kahoy arog kan mga taga Sidon.”

2 Mga Cronica 1:16

An mga kabayo kan hade hale pa sa Egipto asin sa Kue, asin an saiyang mga negosyante iyo an minabakal kaiyan sa Kue sa talaan na presyo.

2 Mga Cronica 9:25

Igwa man si Solomon nin kwatro mil na kwadra para sa mga kabayo saka mga karwahe, dangan dose mil na mga parakabayo. An iba kaini ibinugtak niya sa Jerusalem asin an iba ibinugtak niya sa manlaen-laen na syudad.

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Exodo 13:17

Kan tugotan kan hade nin Egipto na humale na an mga Israelita, dai sinda pinaagi nin Dios sa daga kan mga Filisteo maski iyo ini an pinakaharaning dalan. Nagsaboot an Dios, “Tibaad magbasol an mga tawo asin magbalik sa Egipto kun mapalaban na tolos sinda.”

Exodo 13:18

Kaya pinalibot niya sinda sa kalangtadan pasiring sa Dagat na Pula, maski andam sinda sa pakilaban pagluwas ninda sa Egipto.

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Isaias 2:7

An saindang daga pano na nin plata saka bulawan, asin daing ontok an saindang pagyaman; an saindang daga pano na nin mga kabayo, asin dai na mabilang an saindang mga karwahe.

Jeremias 42:19

Nagpadagos ako sa pagtaram, “Sinasabihan kamo nin Kagurangnan, kamo na natada sa Juda, na dai magduman sa Egipto. Kaya pinapatanidan ko kamo ngunyan

Ezekiel 17:15

Alagad nagrebelde saiya an hade nin Juda asin nagpadara nin mga sugo sa Egipto tanganing magkua nin mga kabayo asin nin sarong dakulang hukbo. Manggana daw siya? Makakaligtas daw an naggibo kaiyan? Pwede daw niyang salungaton an tipan asin makaligtas sa padusa?

Oseas 11:5

“Habo nindang magbalik sako, kaya kaipuhan magbalik sinda sa Egipto, asin paghahadean sinda kan Asiria.

Oseas 14:3

Dai nanggad kami ikakaligtas nin Asiria, asin dai man kami matatabangan kan mga kabayong panggera. Dai na nanggad kami masabi sa samong mga dios-dios na sinda an samong Dios. Huli ta sa saimo, Kagurangnan, nakakakua nin pagkaherak an mga ilo.”

Mikas 5:10

An Kagurangnan nagtataram, “Sa panahon na iyan, kukuahon ko an saindong mga kabayo asin raraoton ko an saindong mga karwahe.

Deuteronomio 28:68

Lunad nin mga barko, ibabalik kamo nin Kagurangnan sa Egipto, maski ngani nangako na siya na dai na kamo ibabalik duman. Ipapabakal nindo duman sa saindong mga kaiwal an saindong sadiri bilang mga oripon alagad mayo nin mabakal saindo.”

1 Samuel 8:11

Olay niya, “Ini an gigibohon saindo kan saindong hade: kukuahon niya an saindong mga aking lalaki dangan gigibohon na mga soldados; an iba sainda malunad sa saiyang mga karwahe, an iba sa mga kabayo, asin an iba magdadalagan sa enotan kan saiyang mga karwahe.