Deuteronomio 17:11 - Marahay na Bareta Biblia

¹¹ Akoon nindo an saindang desisyon asin sunodon nindo an gabos na ipinapagibo ninda.

Deuteronomio 17:11 ပူးပေါင်းရင်းမြစ်များ

2 Samuel 14:19

“Bakong si Joab an nagpasunod saimo kaini?” an hapot ni David. Nagsimbag an babae, “Mantang buhay ka, sakong namomotan na hade, isinusumpa ko na mayo nin paagi na malikayan an pagsimbag kan saimong hapot. Si Joab mananggad an nagtukdo sako kan sakong gigibohon asin sasabihon.

Mga Talinhaga 4:27

Likayan mo an karatan asin magpadagos ka sa matanos na paglakaw. Dai ka magliko sa wala o sa too.

Levitico 10:11

Kaipuhan tukdoan mo an gabos na tawo nin Israel kan mga ipinagboboot ko saimo sa paagi ni Moises.”

Deuteronomio 17:10

Matao sinda kan saindang desisyon asin kaipuhan gibohon nanggad nindo an sasabihon ninda.

Deuteronomio 17:20

Iyo ini an mapugol saiya sa pag-isip na mas marahay siya ki sa kapwa niya Israelita, asin sa paglapas kan mga pagboot nin Kagurangnan sa ano man na paagi. Dangan maghahade siya sa halawig na panahon asin an saiyang kapagarakian maghahade sa Israel sa dakul na henerasyon.

Deuteronomio 25:1

“Halimbawa nag-iwal an duwang lalaki asin nag-atubang sinda sa hukoman, dangan ibinaba kan hukom an desisyon na pagpatalingkas kan mayong sala asin pagkondenar kan nagkasala.

Deuteronomio 28:14

Dai nanggad kamo maglapas kan arin man sa mga sinabi ko ngunyan na aldaw, o magsamba saka maglingkod sa mga dios-dios.

Deuteronomio 5:32

“Banwaan nin Israel, otobon nanggad nindo an gabos na ipinagboot saindo nin Kagurangnan na saindong Dios. Dai kamo maglapas kan arin man sa saiyang mga togon.

Tito 3:1

Ipagiromdom mo sa sainda na magpasakop sinda sa mga kagsakop saka sa mga awtoridad; na magkuyog sainda asin magin danay na andam sa paggibo kan anoman na marahay.

Josue 1:7

Magmaisog ka sana asin pakosoga an saimong boot; kuyogon mo nanggad an gabos na togon na itinao saimo kan sakong sorogoon na si Moises. Dai ka magsuhay kan arin man kaiyan asin magigin marahay an saimong buhay maski saen ka magduman.

Josue 23:6

Kaya kuyogon nanggad nindo asin gibohon an gabos na nasusurat sa libro nin Katogonan ni Moises. Dai nindo paglingawan an arin man kaiyan,

2 Pedro 2:10

Papadusahan nin Dios orog na idtong mga nagsusunod kan saindang maating mga kamawotan nin laman, asin nagsisikwal kan kapangyarihan nin Dios. An mga bakong tunay na paratukdong ini mapangahas, hambogon asin mayong paggalang sa mga halangkaw na kapangyarihan sa kalangitan.

Judas 1:8

Siring man, an mga tawong ini igwa nin mga pangatorogan na minapakasala sainda tumang sa sadiri nindang hawak, isinisikwal ninda an awtoridad nin Dios, asin inoolog-olog an mga mamuraway na mga linalang sa kalangitan.