Deuteronomio 17:1 - Marahay na Bareta Biblia

¹ “Dai kamo magsakripisyo sa Kagurangnan na saindong Dios nin baka o karnero na igwa nin kaninan, huli ta ikinakaongis iyan nin Kagurangnan.

Deuteronomio 17:1 ပူးပေါင်းရင်းမြစ်များ

Genesis 41:19

Dangan naghawas man an pitong maniniwang saka makakanos na baka na kaidto ko pa sana nahiling sa bilog na daga nin Egipto.

Exodo 12:5

An pilion nindo pwedeng kordero o kanding alagad kaipuhan na sarong taon an edad kaiyan asin mayo nin kaninan.

Mga Talinhaga 11:1

Ikinakauyam nin Kagurangnan an timbangan na may daya. Naoogma siya sa timbangan na tama.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 20:10

Naoongisan nin Kagurangnan an mga tawong naggagamit nin may dayang timbangan saka sukolan.

Mga Talinhaga 6:16

Pitong bagay an ikinakaongis asin ikinakauyam nin Kagurangnan: An kapaabaw-abawan, an putikon na dila, an mga paragadan nin mga tawong mayo nin sala, an puso na nagmumukna nin mga maraot na plano, an mga bitis na naghihidali sa paggibo nin karatan, an saksi na nagpuputik, asin an tawong dahelan nin pag-iriwal kan mga magkaratood.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Malakias 1:8

Kun minadara kamo nin buta o may helang o pilay na hayop tanganing isakripisyo sa sako, sa paghona nindo bakong sala an gibong iyan? Dolotan daw an siring na hayop sa saindong gobernador; mawiwilihan daw niya kamo o papahilingan nin marahay na boot?”

Mga Bilang 29:8

Magdolot kamo nin tinutong na atang, sarong parong na nakakawili sa Kagurangnan: sarong torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

Deuteronomio 15:21

Alagad kun an mga iyan igwa nin kaninan, kun pilay o buta o igwa nin grabeng kaninan, dai nindo iyan iatang sa Kagurangnan na saindong Dios.

Deuteronomio 23:18

An kwartang kabayadan kan siring na karigsokan dai dapat pagdarahon sa templo nin Dios bilang pag-otob nin sarong panuga; ikinakaongis nin Kagurangnan an siring na mga tawo.

Deuteronomio 24:4

ibibilang nang maati an babae; dai na siya pwedeng agomon giraray kan enot niyang agom. Ikakaongis nin Kagurangnan kun agomon niya giraray an babae. Dai nindo paggibohon an siring na karatan sa daga na itatao saindo nin Kagurangnan na saindong Dios.

Deuteronomio 25:16

Ikinakaongis nin Kagurangnan an mga tawong madaya.

Deuteronomio 7:25

Suloon nindo an saindang mga dios-dios. Dai nindo pagmawoton asin pagsadirihon an mga plata o bulawan na yaon sa mga ladawan na iyan, huli ta iyan an makakasiod sa saindo; ikinakaanggot nin Kagurangnan an pagsamba sa mga dios-dios.

Hebreyo 9:14

orog pang nakakalinig an dugo ni Cristo, na huli sa daing kataposan na Espiritu, nagdolot kan saiyang buhay bilang daing digtang atang sa Dios, sa paglinig kan satuyang konsyensya sa mga gibong mayo nin halaga tanganing makapaglingkod kita sa Dios na buhay.

1 Pedro 1:19

kundi an mahal na dugo ni Cristo, na siring kan sa kordero na daing kaninan o digta.