Deuteronomio 16:4 - Marahay na Bareta Biblia

⁴ Sa laog nin pitong aldaw, kaipuhan mayong mahiling na lebadura sa harong nin siisay man sa saindong daga; an karne kan hayop na binuno sa banggi kan enot na aldaw, kaipuhan kakanon gabos sa mismong bangging iyan.

Deuteronomio 16:4 ပူးပေါင်းရင်းမြစ်များ

Exodo 12:10

Kaipuhan mayo nin matada kaiyan na maagahan pa; kun igwa, dapat na tutongon.

Exodo 12:15

Nagtaram an Kagurangnan, “Pitong aldaw kamong magkakan nin tinapay na mayo nin lebadura. Sa enot na aldaw, hahaleon nindo an gabos na lebadura sa saindong mga harong huli ta an siisay man na magkakan nin tinapay na igwa nin lebadura sa laog kan pitong aldaw na iyan, dai ko na ibibilang na kaayon sa sakong banwaan.

Exodo 12:6

Aatamanon an mga hayop sagkod sa ikakatorseng aldaw kan bulan. Dangan bago magsolnop an aldaw, an mga hayop buburonoon kan bilog na komunidad.

Exodo 12:8

Sa bangging iyan, iihawon an binunong hayop dangan kakakanon kaiba an mapait na gulay asin an tinapay na mayo nin lebadura.

Exodo 13:7

Sa laog nin pitong aldaw dai kamo magkakan nin tinapay na igwa nin lebadura; kaipuhan mayo nin makuang lebadura o tinapay na igwa nin lebadura maski saen sa saindong daga.

Exodo 23:18

“An hayop na iaatang nindo sako dai nindo pag-ibahan nin tinapay na igwa nin lebadura o pagpaagahan an taba kan hayop na para sa pyesta.

Exodo 34:25

“An hayop na iaatang nindo sako dai nindo pag-ibahan nin tinapay na igwa nin lebadura. An hayop na binuno nindo sa Pyesta nin Paskwa, dai nindo pagpaagahan.

Mateo 13:33

Nag-istorya pa si Jesus nin saro pang parabola, “An Kahadean nin langit garo lebadurang isinalak nin sarong babae sa tolong litro nin arina sagkod na nag-usbog an bilog na minasa.”

Deuteronomio 16:5

“Dai nindo pwedeng idolot an atang sa paskwa maski saen sa mga banwa na itatao saindo nin Kagurangnan na saindong Dios.