Deuteronomio 16:3 - Marahay na Bareta Biblia

³ Sa pagkakan nindo kaiyan, dai kamo mag-andam nin tinapay na igwa nin lebadura. Sa laog nin pitong aldaw, magkakan kamo nin tinapay na mayo nin lebadura, siring kan ginibo nindo kan hidali kamong maghale sa Egipto. Kakanon nindo an tinapay na iyan, na aapodon tinapay nin kasakitan, tanganing sa bilog nindong pagkabuhay magiromdoman nindo an aldaw kan paghale nindo duman sa Egipto.

Deuteronomio 16:3 ပူးပေါင်းရင်းမြစ်များ

1 Mga Hade 22:27

Sabihan nindo sinda na ibilanggo an tawong ini asin dikit sanang tinapay saka tubig an itao saiya sagkod na magbalik akong ligtas sa pag-alaman.”

Salmo 102:9

Abo an tinapay na kinakakan ko; igwang kasalak na mga luha an inomon ko;

Salmo 111:4

Ipinapagiromdom niya an makangangalas niyang mga gibo; maugayon an Kagurangnan asin maheherakon.

Salmo 127:2

Masasayang an pagbangon nin amay asin an pagkatorog na matanga nang marahay sa paghanap nin ikabubuhay; huli ta tinatawan nin Kagurangnan an saiyang mga namomotan, maski sinda nagkakatorog.

Exodo 12:11

Kakanon nindo ini nin hidali, asin kaipuhan nakasulot na kamo nin gubing na panlakaw, nakasandalyas asin kapot na an sugkod. Iyo ini an Pyesta kan Paskwa nin Kagurangnan.

Exodo 12:17

Giromdoma nindo ining pyesta kan tinapay na mayo nin lebadura huli ta sa aldaw na ini ilinuwas ko kamo sa Egipto. Giboha nindo an pyestang ini sa gabos na panahon.

Exodo 12:39

Nagluto sinda nin tinapay na mayo nin lebadura hale sa dara nindang minasa, huli ta kan isubol sinda paluwas sa Egipto, dai na sinda nagkaigwa nin oras na mag-andam nin pagkakan o magmasa nin arina na igwa nin lebadura.

Exodo 12:8

Sa bangging iyan, iihawon an binunong hayop dangan kakakanon kaiba an mapait na gulay asin an tinapay na mayo nin lebadura.

Exodo 34:18

“Selebraron nindo an Pyesta kan Tinapay na Mayo nin Lebadura. Siring sa ipinagboot ko saindo, pitong aldaw kamong magkakan nin tinapay na mayo nin lebadura sa bulan nin Abib, huli ta ini an bulan kan paghale nindo sa Egipto.

Isaias 52:12

Ngunyan mahale kamo na dai naghihidali, dai kamo malakaw na garo nagdudulag. An Kagurangnan na saindong Dios an mangengenot saindo asin maataman saindo.

Levitico 23:6

Sa ikakinseng aldaw, mapoon an Pyesta kan Tinapay na Mayo nin Lebadura para sa Kagurangnan. Sa masunod na pitong aldaw, tinapay na mayo nin lebadura an saindong kakakanon.

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Mga Bilang 28:17

Mapoon an pyesta sa ikakinseng aldaw asin mapadagos sa laog nin pitong aldaw; sa mga aldaw na iyan, kakanon nindo an tinapay na mayo nin lebadura.

Mga Bilang 9:11

na tinutugotan na magselebrar kaiyan pakalihis nin sarong bulan. Andamon nindo an korderong Pangpaskwa sa ikaduwang bulan, pagsinarom kan ikakatorseng aldaw. Kakakanon nindo an kordero kaiba kan mga tinapay na mayo nin lebadura saka mapait na gulay.

Lukas 22:19

Dangan nagkua siya nin tinapay, nagpasalamat, binaraak, itinao sa saiyang mga disipulo asin nagsabi, “Ini an sakong hawak, na itinatao para saindo. Gibohon nindo ini sa pagromdom sako.”

1 Corinto 5:8

Kaya selebraron nindo an satong Paskwa, sa paagi kan tinapay na mayo nin lebadura—an tinapay nin kalinigan saka katotoohan—bakong sa paagi kan tinapay na may daan na lebadura, na iyo an lebadura nin karatan saka karigsokan.

Deuteronomio 16:2

Magduman kamo sa lugar na pagsasambahan asin bunoon nindo duman an saro kan saindong mga karnero o baka para sa Paskwa, sa kaomawan nin Kagurangnan na saindong Dios.

Deuteronomio 4:9

Magmaan kamo. Dai nanggad nindo paglingawan, sa bilog nindong pagkabuhay, an mga bagay na saindong nahiling. Iosip nindo sa saindong mga aki asin mga makoapo,

1 Tesalonica 1:6

Inarog nindo kami asin an Kagurangnan. Maski inagihan nindo an dakul na kasakitan, inako nindo an mensahe na may kaogmahan na hale sa Espiritu Santo.

Josue 4:7

sabihan nindo sinda na an tubig kan Jordan nag-ontok sa pagbulos kan magbalyo sa salog an Kaban nin Tipan nin Kagurangnan. An mga gapong iyan danay na magpapagiromdom sa mga Israelita kan nangyari digdi.”