Deuteronomio 16:22 - Marahay na Bareta Biblia

²² Dai kamo magpatindog nin ano man na hariging gapo na ikinakaongis nin Kagurangnan.

Deuteronomio 16:22 ပူးပေါင်းရင်းမြစ်များ

1 Mga Hade 14:23

Nagtugdok sinda nin mga altar para sa saindang mga dios-dios, asin nagpatindog nin mga harigi saka mga simbolo ni Asera sa ibabaw kan mga bulod saka sa limpoy nin mga kahoy.

2 Mga Hade 17:10

Nagbugtak sinda nin mga gapong harigi saka mga ladawan kan diosang si Asera sa kabubuldan asin sa lindong kan lambang marambong na kahoy.

Exodo 20:4

“Dai kamo maggibo nin ladawan kan ano man na nasa langit o nasa daga o nasa tubig sa irarom kan daga.

Exodo 34:13

Gabaon nindo an saindang mga altar, rumpagon an saindang mga sagradong harigi asin palodon an mga simbolo kan saindang diosang si Asera.

Jeremias 44:4

Padagos kong sinugo saindo an mga propeta na sakong mga sorogoon. Sinabihan ninda kamo na dai nindo paggibohon an makauuyam na bagay na ini na ikinakaongis ko.

Levitico 26:1

Nagtaram an Kagurangnan, “Dai kamo maggibo nin mga ladawan o magpatindog nin mga estatwa, o hariging gapo o inukitan na mga gapo tanganing saindong sambahon. Ako an Kagurangnan na saindong Dios.

Zacarias 8:17

Dai kamo mag-isip nin mga ikakaraot kan saindong kapwa. Dai kamo magsaksi nin putik. Ikinakaongis ko an pagputik, an inhustisya, asin an kadahasan.”

Deuteronomio 12:31

Dai nindo pagsambahon an Kagurangnan na saindong Dios siring kan pagsamba ninda sa saindang mga dios-dios, huli ta sa saindang pagsamba, minagibo sinda nin mangirhat na mga bagay na ikinakaongis nin Kagurangnan. Maski an saindang mga aki tinututong ninda sa saindang mga altar.

Deuteronomio 4:16

ta tibaad magkasala kamo sa paggibo para saindo nin ladawan, maski sa anong porma, lalaki man o babae,

Deuteronomio 4:23

Dai nanggad nindo paglingawan an tipan saindo nin Kagurangnan na saindong Dios. Otobon nindo an saiyang pagboot asin dai kamo maggibo nin ano man na ladawan na ipinapangalad niya,

Deuteronomio 4:25

“Maski nahaloy na kamo sa dagang idto, asin nagkaigwa na nin mga aki saka makoapo, dai nanggad kamo magkasala huli sa paggibo para saindo nin ano man na ladawan. Sarong karatan iyan sa atubang nin Kagurangnan asin makakapaanggot iyan saiya.

Kapahayagan 2:15

Igwa man diyan saindo nin mga tawo na nagsusunod sa katukdoan kan mga Nicolaita.

Kapahayagan 2:6

Alagad ini naman an naooyonan ko saimo: ikinakaongis mo an ginigibo kan mga Nicolaita, na ikinakaongis ko man.