Deuteronomio 16:18 - Marahay na Bareta Biblia

¹⁸ “Magbugtak kamo nin mga hukom asin iba pang opisyal sa lambang banwa na itinatao saindo nin Kagurangnan na saindong Dios. An mga lalaking ini iyo an mahukom sa mga tawo sa matanos na paagi.

Deuteronomio 16:18 ပူးပေါင်းရင်းမြစ်များ

1 Mga Cronica 23:4

An beynte y kwatro mil sainda ginibo ni David na mga parapamahala kan trabaho sa Templo; an seis mil ginibo niyang mga opisyal asin mga hukom;

1 Mga Cronica 26:29

Sa kapagarakian ni Izar, si Kenaias saka an saiyang mga aking lalaki iyo an napili bilang mga kansilyer asin mga hukom.

Esdras 7:25

“Ika, Esdras, sosog sa kadonongan na itinao saimo nin saimong Dios, an mabugtak nin mga administrador saka mga hukom na mamamahala kan gabos na tawo sa Solnopan kan Salog nin Eufrates. Sinda gabos kaipuhan na tukdoan mo kan Katogonan nin saimong Dios.

Exodo 18:21

Laen pa kaiyan, magpili ka nin mga tawong maninigo, may pagkatakot sa Dios, mapapaniwalaan asin dai masusuholan. Gibohon mo sindang pamayo nin mga rinibong tawo, ginatos, maningkwenta, asin manampolo.

Exodo 21:22

“Kun an mga nag-iiwal makakulog nin sarong bados na nagin dahelan na ini makuahan, alagad mayo na nin ibang maraot na nangyari sa babae, an nakakulog mabayad kan kantidad na hahagadon saiya kan agom kan babae sosog sa pagboot kan mga hukom.

Exodo 21:6

kun siring, dadarahon siya kan saiyang kagurangnan sa lugar na pinagsasambahan asin papatindogon siya sa may pinto o sa may hamba kan pintoan, dangan lalabotan an saiyang talinga asin magigin oripon siya kan saiyang kagurangnan sagkod na buhay siya.

Mga Talinhaga 31:23

An saiyang agom minimidbid kan banwaan asin saro siya sa mga ginagalangan na tawo.

Mateo 5:21

“Nadangog nindo na itinukdo kaidto sa mga tawo, ‘Dai ka maggadan; an siisay man na makagadan, huhukoman.’

Mateo 5:22

Alagad ngunyan sinasabihan ko kamo: an maanggot sa saiyang tugang (na mayo nin dahelan), huhukoman; an mag-insulto sa saiyang tugang, dadarahon sa Konseho. An magsabing, ‘Mayo kang pakinabang!’ ihuhulog sa impyerno.

Deuteronomio 16:17

sosog sa saiyang kaya asin sosog sa bendisyon na itinao saiya nin Kagurangnan na saindong Dios.

Deuteronomio 16:19

Kaipuhan magin matanos sinda asin dai magpaorog sa kiisay man sa saindang paghukom. Dai sinda dapat na mag-ako nin suhol, huli ta an suhol nakakabuta maski sa mga madonong asin nakakaraot kan mga matanos.

Deuteronomio 17:12

Gagadanon an siisay man na mangahas na maglapas kan pagboot kan hukom o kan padi na naglilingkod sa atubang nin Kagurangnan. Sa siring na paagi, mahahale an karatan na iyan sa Israel.

Deuteronomio 17:9

Idolok nindo an kaso sa mga pading Levita asin sa hukom na namamahala sa panahon na iyan, dangan sinda an mahukom sa kaso.

Deuteronomio 21:2

maduman an mga lider asin an mga hukom dangan saindang susukolon an distansya magpoon sa lugar na namumugtakan kan bangkay sagkod sa mga haraning banwa.

Deuteronomio 25:1

“Halimbawa nag-iwal an duwang lalaki asin nag-atubang sinda sa hukoman, dangan ibinaba kan hukom an desisyon na pagpatalingkas kan mayong sala asin pagkondenar kan nagkasala.

1 Samuel 8:1

Kan gurang na si Samuel, ginibo niyang mga hukom sa Israel an saiyang mga aking lalaki.