Deuteronomio 16:17 - Marahay na Bareta Biblia

¹⁷ sosog sa saiyang kaya asin sosog sa bendisyon na itinao saiya nin Kagurangnan na saindong Dios.

Deuteronomio 16:17 ပူးပေါင်းရင်းမြစ်များ

1 Mga Cronica 29:14

“Alagad siisay man ako asin an sakong banwaan na makakakayang magtao nin boluntad na dolot saimo? Huli ta sa saimo gikan an gabos na bagay, asin samuya man sanang ibinabalik an sadiri mo.

Esdras 2:63

Sinabihan sinda kan gobernador na Judio na dai sinda pwedeng magkakan kan idinolot sa Dios sagkod na mayo nin padi na pwedeng maggamit kan Urim asin Tummim.

Ezekiel 46:7

Kaiba kan lambang torilyong baka saka lalaking karnero, madolot siya nin dyes y syeteng litrong dolot na pagkakan asin kan anomam na boot niyang itao. Kaiba kan lambang dolot na pagkakan, siya matao man nin tolong litrong lana nin oliba.

Levitico 27:8

Kun an nanugang lalaki sarong dukha asin dai makakabayad kan maninigong kantidad, dadarahon niya an ipinanugang tawo sa padi, asin ini an matao saiya nin mas hababang kantidad, sosog sa kakayahan niya sa pagbayad.

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

Deuteronomio 16:10

dangan selebraron nindo an Pyesta nin Pag-ani sa pag-omaw sa Kagurangnan na saindong Dios, sa pagdolot saiya nin sarong boluntad na atang sosog sa bendisyon na itinao niya saindo.

Deuteronomio 16:16

“Tolong beses sa taon, matiripon sa atubang nin Kagurangnan an gabos na lalaki sa saindong nasyon duman sa lugar na pagsasambahan: sa Pyesta kan Paskwa, sa Pyesta nin Pag-ani, asin sa Pyesta nin mga Harong-harong. An lambang saro kaipuhan magdara nin regalo

Deuteronomio 16:18

“Magbugtak kamo nin mga hukom asin iba pang opisyal sa lambang banwa na itinatao saindo nin Kagurangnan na saindong Dios. An mga lalaking ini iyo an mahukom sa mga tawo sa matanos na paagi.