Deuteronomio 16:16 - Marahay na Bareta Biblia

¹⁶ “Tolong beses sa taon, matiripon sa atubang nin Kagurangnan an gabos na lalaki sa saindong nasyon duman sa lugar na pagsasambahan: sa Pyesta kan Paskwa, sa Pyesta nin Pag-ani, asin sa Pyesta nin mga Harong-harong. An lambang saro kaipuhan magdara nin regalo

Deuteronomio 16:16 ပူးပေါင်းရင်းမြစ်များ

1 Mga Hade 9:25

Tolong beses sa taon na nagdolot si Solomon nin mga tinutong na atang saka mga dolot para sa katoninongan sa altar na ginibo niya para sa Kagurangnan. Nagtutong man siya nin insenso para sa Kagurangnan. Kaya tinapos niya an pagpatugdok kan Templo.

2 Mga Cronica 8:13

Nagdolot siya siring kan hinahagad kan mga Togon ni Moises manongod sa mga atang kun mga banal na aldaw arog kan Sabbath, Bagong Bulan asin an tolong taon-taon na mga Pyesta—an Pyesta kan Tinapay na Mayo nin Lebadura, an Pyesta nin Pag-ani saka an Pyesta nin mga Harong-harong.

Esdras 3:1

Kan ikapitong bulan, an mga Israelita napamugtak na sa saindang mga banwa. Dangan nagtiripon sinda gabos sa Jerusalem.

Nehemias 8:15

Kaya ipinagboot ninda asin ibinalangibog sa bilog na Jerusalem asin sa iba pang mga syudad saka banwa an siring: “Magduman kamo sa kabubuldan asin magkua nin mga sanga nin aguho, mga oliba, mga mirto, mga palma, saka iba pang madahon na mga sanga tanganing gibohon na mga harong-harong, siring sa ipinagboot kan Katogonan.”

Salmo 122:4

Duman minaturukad an mga tribu, an mga tribu nin Kagurangnan, tanganing duman magpasalamat sa Kagurangnan sosog sa togon na itinao niya sa Israel.

Salmo 84:7

Mantang naglalakaw, orog na minakosog sinda; mahihiling ninda an Dios nin mga dios sa Sion.

Salmo 84:8

Kagurangnan, Dios nin mga hukbo, hinanyoga an sakong pamibi. Himatea, O Dios ni Jacob!

Salmo 96:8

Itao sa Kagurangnan an kamurawayan na maninigo sa saiyang ngaran; magdara nin dolot asin maglaog sa saiyang Templo!

Exodo 34:20

Tutuboson nindo nin lalaking karnero an lambang matuang asno. Kun dai nindo tutuboson, babarion nindo an liog kaiyan. Balukaton nindo an lambang matuang aking lalaki. “Mayo nin magdolok sako na daing darang dolot.

Exodo 34:24

Huli ta mantang kamo naglalaog, papahaleon ko an mga banwaan asin papahiwason ko an saindong teritoryo; mayo nin siisay man na magmamawot na sakopon an saindong daga sa panahon na maatubang kamo sako sa tolong pyestang ini.

Isaias 23:18

An kwartang makukua niya sa negosyo idudusay niya sa Kagurangnan. Dai niya iyan sasarayon o titiponon, alagad gagamiton iyan kan mga nagsasamba sa Kagurangnan sa pagbakal nin kakanon saka gubing na saindang kaipuhan.

Isaias 33:20

Hilinga nindo an Sion, an syudad na pinagseselebraran kan satong mga itinalaan na pyesta. Hilinga an Jerusalem! Iyan magigin sarong ligtas na lugar na erokan! Makakaagid iyan sa sarong tolda na dai nanggad liniwat, na an mga taldok dai nanggad mabubulnot asin an mga pisi dai nanggad mapuputol.

Ezekiel 36:38

An mga syudad na rumpag ngunyan mapapano nin mga tawo, siring na an Jerusalem dating pano nin mga karnero na idinolot bilang atang sa talaan na pyesta. Dangan maaaraman ninda na ako an Kagurangnan.”

Levitico 23:34

“Sabihan mo an banwaan nin Israel na sa laog nin pitong aldaw, magpoon sa ikakinse kan ikapitong bulan na ini, iyo an Pyesta nin mga Harong-harong para sa Kagurangnan.

Hageo 1:9

“Naglaom kamo nin dakul na aanihon, alagad dikit sana an nakua nindo. Dangan kan darahon na nindo iyan sa saindong harong, hinuyop ko iyan. Tano ta ginibo ko ini? Huli ta raot pa an sakong Templo mantang an lambang saro saindo nasisibot sa pagtrabaho kan saiyang harong.

Mateo 2:11

Paglaog ninda sa harong, nahiling ninda an omboy asin si Maria na saiyang ina. Nagluhod sinda saka nagsamba sa omboy. Dangan idinolot ninda saiya an mga dara nindang regalong bulawan, insenso, asin mira.

Markos 12:3

Alagad pinugol ninda an sorogoon, hinampak dangan pinapuli na mayong dara.

Juan 7:2

Harani na an Pyesta kan mga Harong-harong.

Deuteronomio 16:15

Galangan nindo an Kagurangnan na saindong Dios sa pagselebrar kan pyestang ini sa laog nin pitong aldaw duman sa lugar na pagsasambahan. Mag-ogma kamo huli ta bebendisyonan kamo nin Kagurangnan sa gabos nindong ani asin trabaho.

Deuteronomio 16:17

sosog sa saiyang kaya asin sosog sa bendisyon na itinao saiya nin Kagurangnan na saindong Dios.

Deuteronomio 31:11

Basahon nindo ini sa atubang kan bilog na Israel, sa panahon na magtiripon sinda sa pagsamba sa Kagurangnan na saindong Dios duman sa lugar na pagsasambahan.

1 Samuel 1:3

Taon-taon, nagduduman si Elkana sa Shilo hale sa Rama, tanganing magsamba asin magdolot nin mga atang sa Kagurangnan nin mga hukbo. Si Hofni asin si Finehas na mga aking lalaki ni Eli, iyo an naglilingkod duman bilang mga padi nin Kagurangnan.

1 Samuel 6:3

Nagsimbag sinda, “Kun ibabalik nindo an Kaban nin Tipan kan Dios nin Israel, kaipuhan ibalik nindo na igwang kaibang regalo para saiya tanganing matubos an saindong kasalan. Sa paaging ini, mararahay kamo asin maaaraman nindo kun tadaw ta padagos niya kamong pinapadusahan.”