Deuteronomio 16:14 - Marahay na Bareta Biblia

¹⁴ Mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo, asin mga babaeng balo na nag-eerok sa saindong mga banwa.

Deuteronomio 16:14 ပူးပေါင်းရင်းမြစ်များ

Esther 9:22

Ini an mga aldaw na nagkaigwa nin kapahingaloan an mga Judio sa saindang mga kaiwal; ini an bulan na naribayan nin kaogmahan an saindang kasakitan saka nin pagselebrar an saindang pagmondo. Sinuratan sinda ni Mardokeo na selebraron an mga aldaw na ini sa paagi nin pagkarakan, pag-orogma, dangan pagtao nin mga kakanon sa lambang saro asin sa mga dukha.

Parahulit 9:7

Ipadagos mo an saimong pagkakan asin mag-ogma ka; inoma an saimong arak asin maggayagaya ka. Oyon kaiyan an Dios.

Isaias 30:29

Alagad kamo, banwaan nin Dios, magigin maogma asin mag-aawit kamo siring kan saindong ginigibo sa pagkabanggi nin sarong banal na pyesta. Magigin maogma kamo siring sa mga naglalakaw sa tugtog kan plawta pasiring sa Templo nin Kagurangnan, an Gapo nin Israel.

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Joel 1:16

Mayo kitang naginibo mantang rinaraot an satong mga tinanom. Mayo na nin kaogmahan sa Templo kan satong Dios.

Deuteronomio 12:12

Mag-ogma kamo sa atubang niya, kaiba an saindong mga aki, mga oripon sagkod an mga Levita na nag-eerok sa saindong mga banwaan; giromdomon nindo na an mga Levita mayo nin sadiring daga.

Deuteronomio 14:29

An kakanon na iyan iyo an para sa mga Levita, huli ta dai sinda nin pagsadiri, asin para sa mga dayuhan, para sa mga ilo saka mga babaeng balo na nag-eerok sa saindong mga banwa. Maabot sinda asin makua kan gabos na kaipuhan ninda. Gibohon nindo ini asin bebendisyonan kamo nin Kagurangnan na saindong Dios sa gabos nindong ginigibo.

Deuteronomio 16:11

Sa atubang nin Kagurangnan, mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo asin mga babaeng balo na nag-eerok sa saindong mga banwa. Gibohon nindo ini sa lugar na pagsasambahan.

Deuteronomio 16:15

Galangan nindo an Kagurangnan na saindong Dios sa pagselebrar kan pyestang ini sa laog nin pitong aldaw duman sa lugar na pagsasambahan. Mag-ogma kamo huli ta bebendisyonan kamo nin Kagurangnan sa gabos nindong ani asin trabaho.

Deuteronomio 26:11

Magpasalamat kamo sa Kagurangnan na saindong Dios huli sa mga karahayan na itinao niya saindo asin sa saindong pamilya; magselebrar kamo kaiba an mga Levita sagkod an mga dayuhan na nakikihimanwa saindo.

1 Tesalonica 5:16

Magdanay kamong maogma.