Deuteronomio 16:13 - Marahay na Bareta Biblia

¹³ “Pakaginik nindo kan saindong ani asin pakapugaa nindo kan saindong mga ubas, selebraron nindo an Pyesta nin mga Harong-harong sa laog nin pitong aldaw.

Deuteronomio 16:13 ပူးပေါင်းရင်းမြစ်များ

2 Mga Cronica 5:3

Nagtiripon sinda sa atubangan kan hade kan Pyesta nin mga Harong-harong na ginigibo sa ikapitong bulan.

2 Mga Cronica 8:13

Nagdolot siya siring kan hinahagad kan mga Togon ni Moises manongod sa mga atang kun mga banal na aldaw arog kan Sabbath, Bagong Bulan asin an tolong taon-taon na mga Pyesta—an Pyesta kan Tinapay na Mayo nin Lebadura, an Pyesta nin Pag-ani saka an Pyesta nin mga Harong-harong.

Esdras 3:4

Inotob ninda an Pyesta nin mga Harong-harong sosog sa pagsusundon, asin aroaldaw nagdolot sinda kan sakripisyo na kaipuhan idolot sa aroaldaw;

Exodo 23:16

“Selebraron nindo an Pyesta nin Pag-ani pagpoon kan saindong pag-ani kan mga bunga nin saindong kapagalan, nin saindong tinanom sa oma. “Sa kataposan kan taon selebraron nindo an Pyesta nin mga Harong-harong kun gunoon na nindo asin tiponon an mga bunga kan saindong ubasan, asin kan iba pang mga kahoy.

Exodo 34:22

“Selebraron nindo an Pyesta nin Mga Semana pagpoon kan saindong pag-ani kan enot na bunga nin trigo, asin sa kataposan kan taon, selebraron nindo an Pyesta nin mga Harong-harong.

Jeremias 40:10

Mag-eerok ako digdi sa Mizpa tanganing magrepresentar para saindo kun magdigdi an mga taga Babilonia. Pwede kamong magtipon saka magsaray nin arak, mga bunga nin kahoy, saka lana nin oliba. Mag-eerok kamo sa mga baryo na saindong mapili.”

Mga Bilang 15:20

Kun magluto kamo nin tinapay, idodolot nindo sa Kagurangnan an enot na pedaso kan enot na tinapay na ginibo hale sa bagong aning trigo. Idodolot nindo iyan siring kan pagdolot nindo kan espesyal na regalo na kinukua nindo hale sa gininik na trigo.

Juan 7:2

Harani na an Pyesta kan mga Harong-harong.

Deuteronomio 31:10

Pinagbotan niya sinda, “Sa kataposan kan lambang ikapitong taon, pag-abot kan taon nin pagpatawad kan gabos na pagkakautang, basahon nindo an katogonan na ini sa makosog na tingog, sa Pyesta nin mga Harong-harong.