Deuteronomio 15:7 - Marahay na Bareta Biblia

⁷ “Kun magkaigwa nin sarong dukhang Israelita sa arin man na banwa sa daga na itinatao saindo nin Kagurangnan na saindong Dios, hare kamo pagmaimot asin pagsayuma sa pagtabang saiya.

Deuteronomio 15:7 ပူးပေါင်းရင်းမြစ်များ

Nehemias 5:1

Dangan kadaklan kan mga tawo, babae saka lalaki, nagreklamo laban sa kapwa ninda mga Judio.

Esther 9:19

Ini an dahelan kun tadaw ta pinagseselebrar kan mga Judio na nag-eerok sa saradit na mga banwa an ikakatorseng aldaw kan bulan nin Adar bilang sarong aldaw nin kaogmahan asin karakanan, aldaw nin pagtao nin regalo sa lambang saro.

Esther 9:22

Ini an mga aldaw na nagkaigwa nin kapahingaloan an mga Judio sa saindang mga kaiwal; ini an bulan na naribayan nin kaogmahan an saindang kasakitan saka nin pagselebrar an saindang pagmondo. Sinuratan sinda ni Mardokeo na selebraron an mga aldaw na ini sa paagi nin pagkarakan, pag-orogma, dangan pagtao nin mga kakanon sa lambang saro asin sa mga dukha.

Exodo 22:25

“Kun kamo magpautang nin kwarta sa mga dukha sa sakong banwaan, dai nindo pag-arogon an ibang parapautang; dai nindo sinda pagpatuboan.

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 21:13

An dai nagdadangog sa inagrangay nin dukha, mag-aagrangay man, alagad mayo saiya nin mahinanyog.

Isaias 58:10

kun tawan nindo nin pagkakan an mga nagugutom saka tawan kan saindang kaipuhan an mga mayong sukat, dangan an nakapalibot saindong kadikloman magigin siring sa liwanag nin kaodtohan.

Levitico 25:35

“Kun magin dukha an kapwa nindo Israelita na nag-eerok sa harani nindo asin dai na niya kayang buhayon an saiyang sadiri, dapat na tawan nindo siya kan kaipuhan niya sa buhay, tanganing padagos siyang mamuhay sa kaibahan nindo, arog sa sarong dayuhan o nakikihimanwa.

Mateo 18:30

Alagad dai niya ini pinatawad kundi ipinabilanggo sagkod na makabayad kan utang.

Mateo 5:42

Tawan mo an naghahagad saimo, asin dai mo pagsayumahan an boot mag-utang saimo.

Deuteronomio 15:11

Danay na magkakaigwa nin mga dukhang Israelita sa saindong daga, kaya pinagbobotan ko kamo na magin matinao sainda.

Deuteronomio 15:9

Dai nindo siya pagsayumahan sa dahelan na harani na an taon nin pagpatawad kan mga utang. Dai nindo pagtugotan na makalaog sa saindong isip an siring karaot na kaisipan. Kun dai nindo siya pautangon, mareklamo siya sa Kagurangnan laban sa saindo asin makokondenar kamo.

Deuteronomio 24:14

“Dai nindo pag-apihon an sarong dukha asin daing sukat na sorogoon na parapatandan, magin siya Israelita o nakikihimanwa sa saro kan saindong mga banwa.