Deuteronomio 15:4 - Marahay na Bareta Biblia

⁴ “Mayo nin magigin dukha sa saindo huli ta bebendisyonan kamo nin Kagurangnan na saindong Dios sa daga na itinatao niya saindo,

Deuteronomio 15:4 ပူးပေါင်းရင်းမြစ်များ

Mga Talinhaga 14:21

Kun boot mong magin maogma, kaherakan mo an dukha; kasalan an pagsikwal sa kiisay man.

Mga Talinhaga 28:27

An nagtatao sa mga dukha dai magkukulang, alagad an nagbibinuta sa saindang kamugtakan mamaldisyonon.

Deuteronomio 14:29

An kakanon na iyan iyo an para sa mga Levita, huli ta dai sinda nin pagsadiri, asin para sa mga dayuhan, para sa mga ilo saka mga babaeng balo na nag-eerok sa saindong mga banwa. Maabot sinda asin makua kan gabos na kaipuhan ninda. Gibohon nindo ini asin bebendisyonan kamo nin Kagurangnan na saindong Dios sa gabos nindong ginigibo.

Deuteronomio 15:5

kun kuyogon nindo siya asin otobon an gabos na ipinagboboot ko saindo ngunyan.

Deuteronomio 28:11

Papauswagon niya kamo sa daga na ipinanuga niya sa saindong mga ginikanan na itatao saindo. Papadakulon niya an saindong mga aki, mga hayop asin an mga bunga kan daga.

Deuteronomio 3:18

“Sinabihan ko sinda kaidto, ‘Itinao saindo nin Kagurangnan na satong Dios ining daga tanganing saindong sakopon. Ngunyan tawan nindo nin armas an saindong mga parapakilaban asin ipadara nindo sa ibong kan Jordan, tanganing mangenot sa ibang mga tribu nin Israel asin tabangan sinda sa pagsakop kan saindang daga.

Deuteronomio 4:21

Huli saindo, naanggot sako an Kagurangnan na saindong Dios, asin nagsumpa na dai ako makakabalyo sa Salog nin Jordan asin dai ako makakalaog sa marahay na daga na itinatao saindo nin Kagurangnan bilang pamana.