Deuteronomio 15:13 - Marahay na Bareta Biblia

¹³ Sa ikapitong taon, talingkasan nindo siya; dai nindo siya pagpahaleon na mayo nin darang ano man.

Deuteronomio 15:13 ပူးပေါင်းရင်းမြစ်များ

Genesis 31:42

Kun dai ako inibahan kan Dios nin sakong mga magurang, an Dios ni Abraham asin ni Isaac, tibaad haloy mo na akong pinalayas na mayo nin ano man na dara. Alagad nahiling nin Dios an sakong kasakitan asin an sakong kapagalan, kaya naanggotan ka niya kasubanggi.”

Exodo 3:21

“Gigibohon kong igalang kamo kan mga Egipcio tanganing paghale nindo, may dara kamo.

Jeremias 22:13

Herak man sa tawo na nagtutugdok kan saiyang harong huli sa inhustisya asin nagpapadakula kaiyan huli sa pandadaya; pinapatrabaho niya an saiyang mga kahimanwa na mayo nin bayad, dai niya itinatao an tandan ninda.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Deuteronomio 15:12

“Kun ipabakal saindo an sarong tugang mong Hebreyo, lalaki man o babae, malingkod siya saindo sa laog nin anom na taon.

Deuteronomio 15:14

Tudok sa puso na tawan nindo siya kan ano man na bendisyon na iwinaras saindo nin Kagurangnan—mga karnero, trigo saka arak.

Colosas 4:1

Mga kagurangnan, magin marahay kamo asin matanos sa saindong mga oripon. Giromdomon nindo na igwa man kamo nin Kagurangnan duman sa langit.