Deuteronomio 15:10 - Marahay na Bareta Biblia

¹⁰ Magmatinao kamo nin tudok sa puso asin bebendisyonan kamo nin Kagurangnan sa gabos nindong ginigibo.

Deuteronomio 15:10 ပူးပေါင်းရင်းမြစ်များ

Mga Talinhaga 22:9

Magin matinao ka asin hirasan mo an dukha kan saimong kakanon. Huli kaiyan bebendisyonan ka.

Parahulit 11:1

Magnegosyo ka sa ibang nasyon, asin maabot an aldaw na makakaganansya ka.

Isaias 32:8

Alagad an iginagalang na tawo minagibo nin matanos asin pusog na ipinakikilaban an mga bagay na matanos.

Isaias 58:10

kun tawan nindo nin pagkakan an mga nagugutom saka tawan kan saindang kaipuhan an mga mayong sukat, dangan an nakapalibot saindong kadikloman magigin siring sa liwanag nin kaodtohan.

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Mga Gibo 20:35

Ipinahiling ko saindo sa gabos na bagay, na sa paagi nin pagtrabaho nin maigot, dapat na tabangan ta an mga maluluya, asin giromdomon an mga tataramon na sinabi kan Kagurangnan na Jesus, ‘Mas paladan an nagtatao ki kan nag-aako.’”

Roma 12:8

kun sa pagsadol, magsadol kita; kun sa paglimos, maglimos kita sa bilog na makakaya; kun sa pamamayo, magtrabaho kita nin maigot; asin kun sa gibong-herak, magtabang kita sa kaogmahan.

Deuteronomio 14:19

“Maati an gabos na insekto na igwa nin pakpak; dai nindo pagkakanon an mga iyan.

Deuteronomio 14:29

An kakanon na iyan iyo an para sa mga Levita, huli ta dai sinda nin pagsadiri, asin para sa mga dayuhan, para sa mga ilo saka mga babaeng balo na nag-eerok sa saindong mga banwa. Maabot sinda asin makua kan gabos na kaipuhan ninda. Gibohon nindo ini asin bebendisyonan kamo nin Kagurangnan na saindong Dios sa gabos nindong ginigibo.

Deuteronomio 15:18

Dai kamo maanggot kun talingkasan na nindo an saindong oripon; kun pag-isipon, naglingkod na siya saindo sa laog nin anom na taon, sa kabanga sana kan kantidad na itatandan kuta nindo sa sarong oripon na parapatandan. Gibohon nindo ini asin bebendisyonan kamo nin Kagurangnan na saindong Dios sa gabos nindong ginigibo.

Deuteronomio 15:4

“Mayo nin magigin dukha sa saindo huli ta bebendisyonan kamo nin Kagurangnan na saindong Dios sa daga na itinatao niya saindo,

Deuteronomio 23:20

Pwede nindong patuboan an utang nin dayuhan, alagad bako an utang kan kapwa nindo Israelita. Kuyogon nindo an pagboot na ini asin bebendisyonan kamo nin Kagurangnan na saindong Dios sa gabos nindong gigibohon duman sa daga na masasadirihan nindo.

Deuteronomio 24:19

“Kun sa pagtipon nindo kan saindong ani, nalingawan nindo sa oma an sarong ginuygoy na trigo, dai na nindo idto pagbalikan. Pabayaan na nindo idto sa mga dayuhan, mga ilo asin mga babaeng balo tanganing bendisyonan kamo nin Kagurangnan na saindong Dios sa gabos nindong gibo.

Deuteronomio 28:8

“Bebendisyonan nin Kagurangnan na saindong Dios an saindong mga trabaho dangan papanoon niya nin inani an saindong mga harong-harong; bebendisyonan niya kamo sa daga na itatao niya saindo.

Hebreyo 13:16

Dai kamo malingaw sa paggibo nin karahayan asin sa pagpatarabang-tabang, huli ta iyo ini an mga sakripisyo na nakakapaogma sa Dios.

1 Pedro 4:11

An siisay man na naghuhulit, dapat ihulit an mensahe nin Dios; an naglilingkod, maglingkod sa bilog na kosog na itinao saiya nin Dios, tanganing sa gabos na bagay, mapamuraway an Dios huli ki Jesu-Cristo. Sa saiya sana an gabos na kamurawayan asin kapangyarihan sagkod nuarin pa man.