Deuteronomio 13:6 - Marahay na Bareta Biblia

⁶ “Kun an saindong tugang o an aki nindong lalaki o babae, o an namomotan nindong agom o an saindong nangongorog na katood, hilom na magdagka saindo na magsamba sa ibang mga dios na dai pa nindo sinamba asin kan saindong mga ginikanan,

Deuteronomio 13:6 ပူးပေါင်းရင်းမြစ်များ

Genesis 16:5

Huli kaini, sinabihan ni Sarai si Abram, “Sala mo kun tano ta pinag-oolog-olog ako ni Hagar. Itinao ko siya saimo, alagad poon kan maaraman niyang bados siya, pinag-olog-olog na niya ako. Hukoman logod nin Kagurangnan kun siisay sato an tama, ika o ako!”

2 Samuel 1:26

“Nagtatangis ako para saimo, tugang kong Jonatan; namotan taka nin marahay! Makangangalas an saimong pagkamoot sako, orog pa ki sa pagkamoot nin mga babae.

1 Mga Hade 18:40

Nagboot si Elias, “Dakopa nindo an mga propeta ni Baal; hare nindo pagpadulaga maski saro sainda.” Dinakop sinda kan mga tawo asin dinara sinda ni Elias sa Sapa nin Kison dangan ginadan niya sinda duman.

2 Mga Hade 11:18

Pakatapos, nagduman an mga tawo sa templo ni Baal asin rinumpag idto. Rinonot ninda an saiyang mga altar saka mga imahen, asin ginadan sa atubang kan mga altar si Mattan, an padi ni Baal. Nagbugtak si Jehoiada nin mga bantay sa Templo.

2 Mga Cronica 15:13

Gagadanon an siisay man na dai magsamba saiya, magin gurang, aki, lalaki o babae man.

2 Mga Cronica 23:17

Dangan nagduman sinda gabos sa templo ni Baal asin rinumpag idto. Rinonot ninda an saiyang mga altar saka mga imahen asin ginadan sa atubangan kan mga altar si Mattan, an padi ni Baal.

An Libro ni Job 31:27

asin hilom na nadagka an sakong puso, patin hinadokan ko an sakong kamot sa pagtaong galang sa mga iyan;

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 32:27

Sinabihan niya sinda, “Ipinagboboot nin Kagurangnan Dios nin Israel na kuahon nindo an saindong mga espada, liboton an kampo, asin gadanon an saindong mga tugang, mga katood saka mga kanatad.”

Mga Talinhaga 18:24

May pagkakatood na dai naghahaloy, alagad may katood na labi pa sa tugang.

Mga Talinhaga 5:20

Aki ko, tadaw ta itatao mo an saimong pagkamoot sa ibang babae? Tadaw ta orog na papahalagahan mo an karinyo kan agom nin ibang lalaki?

Jeremias 28:15

Sinabihan ko pa si Ananias, “Paghinanyog, Ananias! Dai ka sinugo nin Kagurangnan alagad pinapatubod mo an mga tawong ini sa sarong kaputikan.

Jeremias 28:16

Kaya nagsasabi mismo an Kagurangnan na hahaleon ka niya sa ibabaw kan daga. Sa taon na ini magagadan ka huli ta tinaraman mo an mga tawo na magrebelde sa Kagurangnan.”

Jeremias 44:3

huli ta naggibo nin karatan an mga nag-eerok duman saka pinaanggot ninda ako. Nagdolot sinda nin insenso saka naglingkod sa mga dios-dios na dai ninda midbid, dangan dai man nindo midbid ni kan saindong mga ginikanan.

Zacarias 13:3

Dangan kun igwa nin tawong boot pa giraray na magpropesiya, sasabihan siya kan sadiri man sana niyang mga magurang na kaipuhan gadanon siya, huli ta nagsabi siyang tataramon nin Kagurangnan an saiyang itinataram, alagad kaputikan palan an saiyang sinambit. Kun magpropesiya siya gagadanon siya kan sadiri man sana niyang magurang.

2 Corinto 5:16

Kaya poon ngunyan, dai na kami naghuhukom sa kiisay man sosog sa sukolan nin tawo. Maski ngani kaidto hinukoman mi si Cristo sa sukolan nin tawo, dai mi na iyan ginigibo ngunyan.

Galacia 2:4

maski boot siyang serkomsisyonon kan nagkapirang lalaking nagsagin-sagin na mga tugang na nag-ayon sa grupo. An mga tawong ini nakalaog bilang mga espiya, sa pagsiyasat dapit kan katalingkasan na nasa sato sa paagi kan pakisumaro ta ki Cristo Jesus. Boot ninda kitang gibohon na mga oripon.

Efeso 4:14

Dangan bako na kitang arog kan mga aking sadit na madaling ianod saka ipadpad kan katukdoan kan mga tusong tawo na minakabit sa iba sa salang dalan sa paagi kan saindang mga pagdaya asin pagputik.

Deuteronomio 11:32

kuyogon nanggad nindo an mga pagboot na itinatao ko saindo ngunyan na aldaw.

Deuteronomio 13:2

tanganing madara kamo sa pagsamba asin paglingkod sa mga dios-dios na dai pa nindo sinamba kaidto, magkatotoo man an saiyang sinabi,

Deuteronomio 13:7

mga dios-dios kan mga tawo sa palibot nindo, harani man o harayo, magpoon sa sarong poro sagkod sa ibong na poro kan daga;

Deuteronomio 17:12

Gagadanon an siisay man na mangahas na maglapas kan pagboot kan hukom o kan padi na naglilingkod sa atubang nin Kagurangnan. Sa siring na paagi, mahahale an karatan na iyan sa Israel.

Deuteronomio 18:20

Alagad kun igwa nin sarong propeta na mangahas magpahayag nin mensahe sa ngaran ko, na dai ko man ipinagboot na gibohon, magagadan siya huli kaiyan. Siring man, magagadan an siisay man na propeta na magtaram sa ngaran nin ibang dios.’

Deuteronomio 19:19

itatao saiya an padusa na dapat kuta nang itao sa saiyang kapwa. Sa siring na paagi, mahahale an karatan na iyan sa tahaw nindo.

Deuteronomio 21:21

Dangan gagapoon siya kan mga lalaki kan syudad sagkod na siya magadan; sa siring na paagi mahahale sa tahaw nindo an karatan na ini. Madadangog ini kan bilog na Israel asin matatakot sinda.

Deuteronomio 22:21

dadarahon ninda an babae sa may pintoan kan harong kan saiyang ama. Duman gagapoon siya kan mga lalaki kan banwa sagkod na siya magadan. Nakaginibo siya nin karatan sa satong banwaan; nagpadorog siya bago nagpaagom, kan nag-eerok pa siya sa harong kan saiyang ama. Sa siring na paagi, mahahale saindo an karatan na ini.

Deuteronomio 24:7

“An siisay man na mangidnap nin kapwa Israelita tanganing oriponon o tanganing ipabakal bilang oripon, kaipuhan gadanon. Sa siring na paagi, mahahale saindo an karatan na ini.

Deuteronomio 28:54

Magigin maimot maski an pinakamaboot saka pinakamarahay na lalaki; dai niya hihirasan nin pagkakan an saiyang tugang, agom o an natatada niyang mga aki.

Deuteronomio 29:18

Maglikay kamo ta tibaad igwa saindo digdi ngunyan nin lalaki o babae, pamilya o tribu na matalikod sa Kagurangnan na satong Dios, tanganing maglingkod sa mga dios-dios kan ibang nasyon. Nakakaagid ini sa sarong kahoy na nagin mapait asin nakakahudong an bunga.

Deuteronomio 8:14

dai nanggad kamo magpalangkaw asin makalingaw sa Kagurangnan na saindong Dios, na nagluwas saindo hale sa daga nin Egipto, saen kamo nagin mga oripon.

Colosas 2:4

Sinasabihan ko kamo kaini tanganing mayo nin makadaya saindo sa paagi nin mga putik na tataramon.

Josue 7:13

Tindog! Pakabanala an mga tawo asin sabihan mo sinda na magpakabanal para sa aga huli ta ako, an Kagurangnan Dios nin Israel, mataram kaini, ‘Israel, sa saindong mga pagsadiri igwa nin mga bagay na ipinagboot kong suloon. Dai kamo makakaatubang sa saindong mga kaiwal sagkod na dai nahahale saindo an mga bagay na iyan!’

2 Pedro 2:1

Kun kaidtong panahon may nagluwas na mga bakong tunay na propeta sa mga tawo, siring man may maluwas na mga bakong tunay na paratukdo diyan saindo. Hilom na itutukdo ninda an mga nakakaraot saka salang doktrina; nenegaran ninda an Kagurangnan na nagtubos sainda. Dahel kaiyan, biglang maabot sainda an kapahamakan.

Kapahayagan 12:9

Itinapok an dakulang dragon—an kasuanoy na halas na nginaranan Diablo o Satanas—an paradaya kan bilog na kinaban. Ihinulog siya sa daga, kaiba an gabos niyang mga anghel.

Kapahayagan 13:14

Kaya nadaya niya an gabos na tawo sa daga huli kan mga ngangalasan na itinugot na gibohon niya sa atubang kan enot na hayop. Pinagbotan niya an mga tawo sa kinaban na maggibo nin sarong ladawan bilang pag-omaw sa hayop na nalugadan sa espada alagad buhay pa.

Kapahayagan 20:3

Itinapok siya kan anghel duman sa dai matugkad na kairaroman, sinerahan iyan dangan minarkahan tanganing dai na niya madaya an mga nasyon sagkod na matapos an sangribong taon. Pakatapos kan panahon na iyan, kaipuhan butasan siya sa halipot na panahon.

Hukom 10:6

Nagkasala giraray sa Kagurangnan an mga Israelita. Nagsaramba sinda sa mga Baal asin sa mga Astarte, patin sa mga dios-dios kan Siria, Sidon, Moab, Ammon asin Filistia. Binayaan ninda an Kagurangnan asin dai na nagsamba saiya.

Hukom 2:13

Nag-ontok sinda sa pagsamba sa Kagurangnan asin naglingkod sa mga Baal sagkod sa mga Astarte.

Hukom 20:13

Kaipuhan isuko nindo an mga marigsok na lalaki kan Gibea tanganing gadanon mi asin tanganing mahale an karatan sa Israel.” Alagad dai sinda dinangog kan mga Benjaminita.

Hukom 5:8

Nagkaigwa nin gera sa daga, kan magpili nin bagong mga dios-dios an Israel. Sa kwarenta mil na lalaki kan Israel, may saro daw na nagdara nin garod o kalasag?

1 Samuel 18:1

Pakatapos kan pag-olay ni David asin ni Saul, nawili nin marahay ki David si Jonatan na aking lalaki ni Saul asin namoot saiya siring kan pagkamoot niya sa saiyang sadiri.

1 Samuel 18:3

Nagsumpa si Jonatan kan saiyang daing tapos na pakikitood ki David huli ta namotan niya si David siring kan pagkamoot niya sa saiyang sadiri.

1 Samuel 20:17

Pinasumpa giraray ni Jonatan si David na mamotan siya, huli ta namotan niya si David siring kan pagkamoot niya sa saiyang sadiri.