Deuteronomio 13:5 - Marahay na Bareta Biblia

⁵ Alagad gadanon nindo an propeta o an parapaliwanag nin mga pangatorogan na idto, huli ta tinutukdoan niya kamo na magtumang sa Kagurangnan, na nagligtas saindo sa Egipto, saen kamo nagin mga oripon. Maraot an tawong iyan huli ta dinadagka niya kamong magtalikod sa pamumuhay na ipinagboot nin Kagurangnan. Kaipuhan gadanon siya tanganing mahale an karatan na iyan sa tahaw nindo.

Deuteronomio 13:5 ပူးပေါင်းရင်းမြစ်များ

1 Mga Hade 13:19

Kaya nag-iba saiya an propetang gikan sa Juda. Nagkakan siya asin nag-inom sa harong kan gurang na propeta.

1 Mga Hade 18:40

Nagboot si Elias, “Dakopa nindo an mga propeta ni Baal; hare nindo pagpadulaga maski saro sainda.” Dinakop sinda kan mga tawo asin dinara sinda ni Elias sa Sapa nin Kison dangan ginadan niya sinda duman.

2 Mga Cronica 34:31

Nagtindog an hade sa saiyang lugar asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro.

Jeremias 14:15

Ako, an Kagurangnan, masabi saimo kan gigibohon ko sa mga propetang iyan na dai ko man sinugo alagad nagtataram sa ngaran ko, dangan nagsasabi na dai magkakaigwa sa dagang ini nin gera asin gutom—gagadanon ko sinda sa gera asin sa gutom.

Jeremias 50:6

“An sakong banwaan garo mga karnerong nawawara huli ta pinabayaan sinda kan saindang mga pastor. Arog sa mga karnero, naglagalag sinda hale sa sarong bukid pasiring sa saro pang bulod, asin nalingawan na ninda an saindang toril.

Jeremias 7:23

Alagad ipinagboot ko sainda na kuyogon ako, tanganing ako an magin Dios ninda asin sinda an magin banwaan ko. Tinaraman ko sinda na mamuhay sosog sa ipinagboot ko, tanganing mapakarhay sinda.

Zacarias 13:3

Dangan kun igwa nin tawong boot pa giraray na magpropesiya, sasabihan siya kan sadiri man sana niyang mga magurang na kaipuhan gadanon siya, huli ta nagsabi siyang tataramon nin Kagurangnan an saiyang itinataram, alagad kaputikan palan an saiyang sinambit. Kun magpropesiya siya gagadanon siya kan sadiri man sana niyang magurang.

Mga Gibo 13:8

Alagad kinalaban sinda kan salamangkero na si Elimas (ini an ngaran ni Bar-Jesus sa Griyego), tanganing dai magtubod an gobernador.

Deuteronomio 13:10

Gapoon nindo siya sagkod na magadan, huli ta irinarayo niya kamo sa Kagurangnan na saindong Dios na nagligtas saindo sa Egipto, saen kamo nagin mga oripon.

Deuteronomio 13:15

gadanon nindo an gabos na tawo sa banwa na iyan, asin an gabos nindang hayop. Rumpagon nindo an bilog na banwa.

Deuteronomio 13:9

Gadanon nindo siya! Pangenotan nindo an paggapo saiya, dangan pabayaan nindong gapoon siya kan gabos.

Deuteronomio 17:5

darahon nindo an tawong iyan sa luwas kan banwa asin gapoon nindo sagkod na magadan.

Deuteronomio 17:7

An mga saksi iyo an enot na magapo saiya dangan masunod an iba; sa siring na paagi, mahahale sa saindo an karatan na iyan.

Deuteronomio 18:20

Alagad kun igwa nin sarong propeta na mangahas magpahayag nin mensahe sa ngaran ko, na dai ko man ipinagboot na gibohon, magagadan siya huli kaiyan. Siring man, magagadan an siisay man na propeta na magtaram sa ngaran nin ibang dios.’

Deuteronomio 19:19

itatao saiya an padusa na dapat kuta nang itao sa saiyang kapwa. Sa siring na paagi, mahahale an karatan na iyan sa tahaw nindo.

Deuteronomio 22:21

dadarahon ninda an babae sa may pintoan kan harong kan saiyang ama. Duman gagapoon siya kan mga lalaki kan banwa sagkod na siya magadan. Nakaginibo siya nin karatan sa satong banwaan; nagpadorog siya bago nagpaagom, kan nag-eerok pa siya sa harong kan saiyang ama. Sa siring na paagi, mahahale saindo an karatan na ini.

Deuteronomio 22:24

darahon nindo sindang duwa sa luwas kan banwa asin duman gapoon nindo sagkod na magadan. Gagadanon an babae huli ta dai siya nagkurahaw sa paghagad nin tabang maski yaon man sana siya sa laog kan banwa. Gagadanon man an lalaki huli ta dinorogan niya an sarong babae na katrato nin iba. Sa siring na paagi, mahahale saindo an karatan na ini.

Deuteronomio 24:7

“An siisay man na mangidnap nin kapwa Israelita tanganing oriponon o tanganing ipabakal bilang oripon, kaipuhan gadanon. Sa siring na paagi, mahahale saindo an karatan na ini.

Deuteronomio 26:14

Dai ako nagkakan nin ano man na himoloan kan ako nagmomondo; dai ko ilinuwas sa harong an arin man kaiyan kan ako bakong malinig; dai ko inatang an arin man kaiyan para sa mga gadan. Kinuyog taka, O Kagurangnan; sinunod ko an gabos mong pagboot manongod sa himoloan.

Deuteronomio 4:19

Magmaan kamo ta tibaad sambahon nindo asin paglingkodan an nahihiling nindo sa langit—an aldaw, an bulan, saka an mga bitoon. Itinao nin Kagurangnan na saindong Dios an mga ini sa ibang mga banwaan tanganing saindang pagsambahon.

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

Deuteronomio 7:4

huli ta dadagkahon ninda an saindong mga aki na talikodan an Kagurangnan tanganing magsamba sa saindang mga dios-dios. Kun mangyari iyan, maaanggot saindo an Kagurangnan asin gagadanon niya kamo tolos.

Josue 23:8

Magmaimbod kamo sa Kagurangnan, siring sa ginigibo nindo sagkod ngunyan.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.

Hukom 20:13

Kaipuhan isuko nindo an mga marigsok na lalaki kan Gibea tanganing gadanon mi asin tanganing mahale an karatan sa Israel.” Alagad dai sinda dinangog kan mga Benjaminita.

1 Samuel 12:14

Kun galangan nindo an Kagurangnan na saindong Dios, paglingkodan siya, dangogon asin kuyogon an saiyang mga pagboot; kun kamo saka an saindong hade magsunod sa Kagurangnan, mapapakarahay kamo.