Deuteronomio 12:9 - Marahay na Bareta Biblia

⁹ huli ta dai pa kamo nakakalaog sa daga na itinatao saindo nin Kagurangnan na saindong Dios, saen mag-eerok kamo nin matoninong.

Deuteronomio 12:9 ပူးပေါင်းရင်းမြစ်များ

1 Mga Hade 8:56

“Pag-omawon an Kagurangnan na nagtao sa Israel nin kapahingaloan, sosog sa gabos niyang panuga. Inotob niya an gabos na marahay na panuga na ginibo niya huli sa sorogoon niyang si Moises.

1 Mga Cronica 23:25

Nagsabi si David, “Tinawan nin Kagurangnan, an Dios nin Israel, nin katoninongan an saiyang banwaan; mag-erok siya sa Jerusalem sagkod lamang.

Salmo 95:11

Kaya nagsumpa ako sa sakuyang kaanggotan, na dai nanggad sinda makakalaog sa sakong pahingaloan.”

Jeremias 31:2

An mga tawong nakaligtas sa kagadanan naherakan ko sa desyerto. Kan an Israel maghanap nin kapahingaloan,

Mikas 2:10

Bangon kamo asin lakaw; mayo na nin kaligtasan digdi para sa saindo. Ipinahamak kan saindong mga kasalan an lugar na ini, kaya raraoton ini.

Deuteronomio 12:8

“Pag-abot kan panahon na iyan, dai na nindo ipagpadagos an pinagparagibo nindo digdi. Sagkod ngunyan, kamo gabos nagsasamba sa paagi na magustohan nindo,

Deuteronomio 25:19

Kaya kun ligtas na kamo sa gabos nindong kaiwal na nag-eerok sa palibot nindo, asin itinao na saindo nin Kagurangnan na saindong Dios an dagang pamana, gadanon nindo an gabos na Amalekita tanganing mayo nang makagiromdom sainda. Dai nanggad kamo malingaw!

Deuteronomio 3:20

Tabangan nindo an saindong kapwa Israelita sagkod na masakop ninda an daga na itinatao sainda nin Kagurangnan duman sa solnopan kan Jordan, asin sagkod na tugotan sinda nin Kagurangnan na mag-erok duman nin matoninong, arog kan ginibo niya digdi para saindo. Pakatapos, magpuli na kamo digdi sa daga na itinao ko saindo.’

Deuteronomio 4:21

Huli saindo, naanggot sako an Kagurangnan na saindong Dios, asin nagsumpa na dai ako makakabalyo sa Salog nin Jordan asin dai ako makakalaog sa marahay na daga na itinatao saindo nin Kagurangnan bilang pamana.

Josue 11:23

Sinakop ni Josue an bilog na daga, siring sa ipinagboot nin Kagurangnan ki Moises. Binaranga ni Josue an daga bilang pamana sa lambang tribu nin Israel. Dangan nagpahingalo sa pakigera an mga tawo.