Deuteronomio 12:8 - Marahay na Bareta Biblia

⁸ “Pag-abot kan panahon na iyan, dai na nindo ipagpadagos an pinagparagibo nindo digdi. Sagkod ngunyan, kamo gabos nagsasamba sa paagi na magustohan nindo,

Deuteronomio 12:8 ပူးပေါင်းရင်းမြစ်များ

Mga Talinhaga 21:2

An paghona kan tawo tama an gabos niyang gibo, alagad an Kagurangnan an naghuhukom kan nasa saiyang puso.

Amos 5:25

“Banwaan nin Israel, dai ako naghagad nin mga sakripisyo o mga dolot kan pangenotan ko kamo sa desyerto sa laog nin kwarentang taon.

Mga Bilang 15:39

An mga kordon magigin mga pagiromdom, kaya sa panahon na mahiling nindo iyan, magigiromdoman nindo an gabos kong pagboot asin makuyog kamo kaiyan; dangan dai na kamo matalikod sako patin dai na kamo magibo kan gabos nindong magustohan.

Mga Gibo 7:42

Huli kaini pinabayaan sinda nin Dios na magsamba sa mga bitoon siring sa nasusurat sa libro kan mga propeta, ‘Banwaan nin Israel, bako ako an dinolotan nindo kan mga binunong hayop duman sa kalangtadan sa laog nin kwarentang taon.

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Deuteronomio 12:9

huli ta dai pa kamo nakakalaog sa daga na itinatao saindo nin Kagurangnan na saindong Dios, saen mag-eerok kamo nin matoninong.

Josue 3:9

Dangan sinabihan ni Josue an mga tawo, “Magdirigdi kamo asin dangoga nindo an itataram nin Kagurangnan na saindong Dios.

Hukom 17:6

Dai pa nin hade kaidto sa Israel, kaya an lambang saro naggigibo kan pinaghohona niyang tama.

Hukom 21:25

Mayo pa kaidto nin hade sa Israel, kaya an lambang saro naggigibo kan pinaghohona niyang tama.