Deuteronomio 12:5 - Marahay na Bareta Biblia

⁵ Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 12:5 ပူးပေါင်းရင်းမြစ်များ

1 Mga Hade 14:21

Naghade sa Juda si Rehoboam na aking lalaki ni Solomon. Kwarenta y unong taon an saiyang edad kan magpoon siyang maghade asin dyes y syeteng taon siyang naghade sa Jerusalem, an syudad na pinili nin Kagurangnan hale sa gabos na teritoryo nin Israel, tanganing duman siya pagsambahon. An ina ni Rehoboam iyo si Naama na taga Ammon.

1 Mga Hade 8:16

‘Magpoon kan aldaw na iluwas ko sa Egipto an sakong banwaan, dai ako nagpili nin syudad sa gabos na tribu nin Israel tanganing tugdokan nin Templo na pagsasambahan sako. Alagad pinili taka David, na mamayo sa sakong banwaan.’”

1 Mga Hade 8:20

“Inotob ngunyan nin Kagurangnan an saiyang panuga. Nagin kasalihid ako kan sakong ama bilang hade nin Israel, asin itinugdok ko an Templo para sa Kagurangnan, an Dios nin Israel.

1 Mga Hade 8:27

“Alagad pwede daw na mag-erok sa daga an Dios? Kun an pinakahalangkaw na kalangitan dai ngani nagkakanigo saimo, gurano pa daw an Templong ini na sakuyang ipinatugdok?

1 Mga Hade 8:29

Bantayan mo logod an Templong ini aldaw-banggi, an lugar na ini na saimong pinili na pagsasambahan saimo. Hinanyoga ako kun mag-atubang ako sa Templong ini asin mamibi.

2 Mga Hade 18:22

Nagpadagos sa pagtaram an opisyal, “Tibaad sabihon nindo na minasarig kamo sa Kagurangnan na saindong Dios? Mga lugar na pagsasambahan saka mga altar nin Kagurangnan an rinumpag ni Ezekias kan sabihan niya an Juda asin Jerusalem na magsamba sana sa altar sa Jerusalem.

1 Mga Cronica 22:1

Kaya nagsabi si David, “Iyo ini an lugar na pagtutugdokan kan Templo nin Kagurangnan Dios, asin digdi mamumugtak an altar na pagdodolotan kan mga atang kan banwaan nin Israel.”

2 Mga Cronica 7:12

Dangan sarong banggi nagpahiling an Kagurangnan ki Solomon asin nagtaram, “Nadangog ko an saimong pamibi asin inako ko an Templong ini bilang harong na pagdodolotan nin sakripisyo para sako.

Esdras 3:2

Nagtindog si Josue na aking lalaki ni Jehozadak, kaiba an kapwa niya mga padi, si Zerubabel na aking lalaki ni Sealtiel, kaiba an saiyang mga kadugo, dangan itinugdok ninda giraray an altar nin Dios nin Israel, tanganing magdolot sinda duman nin mga tinutong na atang, sosog sa nasusurat sa Katogonan ni Moises, an sorogoon nin Dios.

Esdras 6:12

An Dios na nagpili sa Jerusalem bilang lugar na pagsasambahan saiya iyo logod an magbagsak sa siisay man na hade o nasyon na magsalungat sa pagboot na ini asin maghingowang raoton an Templo duman. Ako, si Dario, an nagboot. Kaipuhan na kuyogon nanggad an sakong pagboot.”

Esdras 7:17

“An kwartang ini gamiton mo sana para sa pagbakal nin mga torong baka, mga karnero, mga kordero, trigo, saka arak, dangan idolot mo sa altar kan Templo sa Jerusalem.

Nehemias 1:9

Alagad kun magbalik kamo sako asin magkuyog kan mga togon na itinao ko, titiponon ko kamo asin dadarahon sa lugar na pinili kong pagsambahan sako, maski pa magkawararak kamo sa mga poro nin kinaban.’

Salmo 78:68

kundi saiyang pinili an tribu ni Juda asin an Bukid nin Sion, na saiyang namomotan.

Exodo 15:2

An Kagurangnan an sakong kosog asin awit, siya an sakong kaligtasan; siya an sakong Dios, kaya sakong oomawon; Dios nin sakong ama, kaya sakong papalangkawon.

Exodo 20:24

Gumibo kamo nin altar na daga para sako; sa ibabaw kaiyan idolot nindo an saindong karnero saka an saindong baka bilang tinutong na atang asin atang para sa katoninongan. Sa lambang lugar na pinili ko na pagsasambahan nindo sako, madatong ako dangan bebendisyonan ko kamo.

Exodo 25:22

Diyan taka tatagboon sa ibabaw kan takop, sa tahaw kan duwang kerubin; diyan ko itataram saimo an sakong mga togon para sa banwaan nin Israel.

Jeremias 26:2

tinaraman ako nin Kagurangnan, “Tumindog ka sa patyo kan Templo saka ipahayag mo an gabos na tataramon na ipinagboot kong sabihon mo sa mga tawong hale pa sa mga banwa nin Juda na nagduruman sa Templo tanganing magsamba. Dai mo pagpakulangan maski sarong tataramon.

Jeremias 7:12

Dumuman kamo sa Shilo, an lugar na enot kong pinili tanganing duman ako nindo sambahon, asin hilingon nindo an ginibo ko sa lugar na idto huli kan mga kasalan kan sakong banwaan na Israel.

Jeremias 7:14

Kaya an ginibo ko sa Shilo gigibohon ko man sa Templo kong ini, na sinasarigan nindo. Digdi sa lugar na ini na itinao ko saindo asin sa mga ginikanan nindo, gigibohon ko an parehong ginibo ko sa Shilo.

Mga Bilang 7:89

Kan maglaog si Moises sa Tabernakulo tanganing makipag-olay sa Kagurangnan, nadangog niya an Kagurangnan na nagtataram saiya hale sa ibabaw kan takop kan Kaban nin Tipan, sa tahaw kan duwang kerubin na nasa ibabaw kan Kaban nin Tipan.

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:13

Dai kamo magdolot kan saindong mga atang maski saen na lugar na saindong mapili,

Deuteronomio 12:18

Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 12:4

“Dai nindo pagsambahon an Kagurangnan na saindong Dios siring kan pagsamba kan mga tawong iyan sa saindang mga dios-dios.

Deuteronomio 14:23

Dangan magduman kamo sa lugar na pagsasambahan na pinili nin Kagurangnan na saindong Dios; duman sa atubang niya, kakanon nindo an mga himoloan kan saindong ani, kan saindong arak saka lana, asin kan matua kan saindong mga hayop. Gibohon nindo ini tanganing makanood kamong danay na matakot sa Kagurangnan na saindong Dios.

Deuteronomio 14:24

Kun an lugar na pagsasambahan harayo sa saindong harong, kaya dai nindo madadara duman an himoloan kan mga produkto na iwinaras saindo nin Kagurangnan, ini an gibohon nindo:

Deuteronomio 15:20

Taon-taon, an mga iyan kakakanon nindo sagkod kan saindong pamilya duman sa lugar na pagsasambahan, sa atubang nin Kagurangnan.

Deuteronomio 16:11

Sa atubang nin Kagurangnan, mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo asin mga babaeng balo na nag-eerok sa saindong mga banwa. Gibohon nindo ini sa lugar na pagsasambahan.

Deuteronomio 16:15

Galangan nindo an Kagurangnan na saindong Dios sa pagselebrar kan pyestang ini sa laog nin pitong aldaw duman sa lugar na pagsasambahan. Mag-ogma kamo huli ta bebendisyonan kamo nin Kagurangnan sa gabos nindong ani asin trabaho.

Deuteronomio 16:2

Magduman kamo sa lugar na pagsasambahan asin bunoon nindo duman an saro kan saindong mga karnero o baka para sa Paskwa, sa kaomawan nin Kagurangnan na saindong Dios.

Deuteronomio 16:6

Idolot nindo iyan sa lugar na pagsasambahan pagsolnop kan aldaw, sa parehong oras kan paghale nindo sa Egipto.

Deuteronomio 16:7

Pakalakagaan nindo an karne dangan kakanon nindo sa lugar na pagsasambahan; dangan pagkaaga, magpuli kamo sa saindong harong.

Deuteronomio 17:8

“Kun igwa nin mga kaso na dipisil hukoman kan mga hukom sa saindong mga banwa, arog baga kun siisay an tunay na kagsadiri, o mga kaso nin pangungulog asin nin paggadan o dai tinuyong paggadan, an mga ini darahon nindo duman sa lugar na pagsasambahan na pinili nin Kagurangnan na saindong Dios.

Deuteronomio 18:6

“An siisay man na Levita hale sa arin man na banwa sa Israel, kun boot niya, pwedeng magduman sa lugar na pagsasambahan,

Deuteronomio 26:2

an lambang saro saindo magkua kan enot na mga bunga kan saindong mga tinanom, ilaog nindo sa sarong basket, dangan darahon sa lugar na pagsasambahan sa Kagurangnan.

Deuteronomio 31:11

Basahon nindo ini sa atubang kan bilog na Israel, sa panahon na magtiripon sinda sa pagsamba sa Kagurangnan na saindong Dios duman sa lugar na pagsasambahan.

Colosas 2:9

Huli ta yaon ki Cristo an bilog na kapanoan nin pagka-Dios sa saiyang pagkanitawo,

Hebreyo 12:22

Kundi nagdolok kamo sa Bukid nin Sion asin sa syudad kan buhay na Dios, an langitnon na Jerusalem, na may dai mabilang na mga anghel na maogmang nagtitiripon.

Josue 18:1

Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.

Josue 22:11

Naosipan an ibang mga Israelita, “Dangoga nindo! An mga tribu ni Ruben, Gad, asin an kabangang tribu ni Manases nagturugdok nin altar sa Gelilot sa parte kan Jordan na sadiri ta.”

Josue 9:27

Alagad ginibo niya sindang mga oripon, mga paraputol nin kahoy asin parasakdo nin tubig para sa mga Israelita asin para sa altar nin Kagurangnan. Sagkod ngunyan ginigibo ninda an trabahong ini sa lugar na pinili nin Kagurangnan na pagsasambahan saiya.

Kapahayagan 14:1

Dangan nahiling ko an Kordero na nagtitindog sa ibabaw kan Bukid nin Sion, kaiba an syento kwarenta y kwatro mil katawo; sa mga angog ninda nasusurat an ngaran kan Kordero saka an ngaran kan saiyang Ama.