Deuteronomio 12:23 - Marahay na Bareta Biblia

²³ Alagad dai kamo magkakan nin karne na igwa pa nin dugo, huli ta an buhay yaon sa dugo; dai nanggad nindo pagkakanon an dugo kaiba kan karne.

Deuteronomio 12:23 ပူးပေါင်းရင်းမြစ်များ

Genesis 9:4

Alagad dai nanggad kamo magkakan nin karne na igwa pang dugo; ipinapangalad ko iyan huli ta an buhay yaon sa dugo.

Ezekiel 33:25

“Kaya sabihan mo sinda na ini an itinataram ko, an Kagurangnan Dios: Nagkakakan kamo nin karne na igwa pa nin dugo. Nagsasamba kamo sa mga dios-dios, saka nanggagadan. Papaano nindo naiisip na sadiri nindo an daga?

Levitico 17:10

Kun an sarong Israelita o dayuhan na nakikihimanwa sainda magkakan nin karne na igwa pa nin dugo, siya magigin kaiwal nin Kagurangnan asin dai na ibibilang na kaayon sa saiyang banwaan.

Levitico 17:11

Huli ta an buhay kan laman yaon sa dugo; kaya ipinagboot nin Kagurangnan na iula an gabos na dugo duman sa altar tanganing mahale an mga kasalan kan mga tawo. An dugo, na iyo an buhay, an nakakahale nin mga kasalan.

Levitico 19:26

“Dai kamo magkakan kan arin man na karne na igwa pa nin dugo. Dai kamo maggibo nin ano man na klase nin salamangka.

Levitico 7:26

Saen man mag-erok an mga Israelita, dai nanggad sinda magkakan kan dugo kan gamgam o hayop.

Mateo 20:28

arog kan Aki nin Tawo, na dai nagdigdi tanganing paglingkodan kundi tanganing maglingkod, asin idusay an buhay niya tanganing matubos an dakul na tawo.”

Mga Gibo 15:20

Tama na an pagsurat sainda na dai magkakan nin kakanon na idinolot sa mga dios-dios, na dai magdorog sa bako ninda agom, asin dai magkakan kan karne nin tinook na hayop o kan dugo.

Deuteronomio 12:16

Alagad dai nanggad kamo magkakan kan saindang dugo kundi iula nindo iyan sa daga siring sa tubig.

Deuteronomio 12:22

An siisay man, malinig man o bako, pwedeng magkakan kan karneng iyan siring kan pagkakan nindo kan karne nin usa o nin kaagid kaiyan.

Deuteronomio 12:24

Dai nindo paggibohon na pagkakan an dugo; iula nindo iyan sa daga arog sa tubig.

Deuteronomio 15:23

Alagad dai nindo pagkakanon an dugo kaiyan, kundi iula nindo iyan sa daga siring sa tubig.

Kapahayagan 5:9

Dangan inawit ninda an bagong awit na ini: “Ika an maninigong magkua kan libro, asin magtangkas kan mga selyo kaiyan. Huli ta ika ginadan dangan tinubos mo para sa Dios an mga tawo sa paagi kan saimong dugo, mga tawong hale sa manlaen-laen na tribu, lengwahe, rasa saka nasyon.

1 Samuel 14:32

kaya hidali nindang kinua an saindang sinamsam, an mga karnero saka mga baka; binuruno ninda idto duman mismo sa lugar na nakuahan ninda dangan kinakan an karne na igwa pa nin dugo.

1 Samuel 14:33

Nagsumbong sinda ki Saul, “Hilinga, nagkakasala sa Kagurangnan an mga tawo huli sa pagkakan kan karneng igwa pa nin dugo.” Nagkurahaw si Saul, “Mga parapasaluib! Paligida nindo digdi an sarong dakulang gapo.”