Deuteronomio 12:20 - Marahay na Bareta Biblia

²⁰ “Kun padakulaon na nin Kagurangnan na saindong Dios an saindong teritoryo siring sa ipinanuga niya, pwede kamong magkakan nin karne maski anong oras.

Deuteronomio 12:20 ပူးပေါင်းရင်းမြစ်များ

Genesis 28:14

An saimong mga kapagarakian magigin siring sa alpog nin daga. Papadakulaon ninda an saindang teritoryo sa gabos na direksyon; bebendisyonan ko an gabos na nasyon sa daga sa paagi mo asin sa saimong kapagarakian.

Genesis 31:30

Aram kong naghale ka huli ta gusto mong makapuli sa saindo, alagad tano ta hinabon mo an sakong mga dios-dios?”

2 Samuel 13:39

alagad kan matapos na an saiyang pagmondo sa pagkagadan ni Amnon, nagin labi-labi an pagkapungaw niya na mahiling an aki niyang lalaki na si Absalom.

2 Samuel 23:15

Napungaw si David asin nagsabi, “Kun igwa lamang kutanang makatao sako nin maiinom na tubig na hale sa bubon na nasa may trangkahan kan Betlehem!”

1 Mga Cronica 4:10

Namibi si Jabez sa Dios nin Israel, “Bendisyonan mo man logod ako, O Dios, asin tawan mo ako nin dakul na daga. Ibahan mo man logod ako asin ilikay sa anoman na maraot na makakakulog sako.” Itinao nin Dios ki Jabez an saiyang hinagad.

Salmo 107:9

Huli ta pinapainom niya an mga napapaha, asin an mga nagugutom pinapakakan nin mga marahay na bagay.

Salmo 119:174

Minamawot ko an saimong kaligtasan, Kagurangnan, asin an saimong katogonan iyo an sakong kaogmahan.

Salmo 119:20

An sakong puso pano nin kapungawan para sa saimong mga pagboot sa gabos na panahon.

Salmo 119:40

Boot kong kuyogon an saimong mga kabotan; sa saimong katanosan tawe ako nin buhay.

Salmo 63:1

O Dios, ika an sakong Dios, asin napupungaw ako saimo. An sakong kalag napapaha sa saimo; an sakong hawak naghihidaw saimo, siring sa alang asin mamarang daga na mayo nin tubig.

Salmo 84:2

An sakong kalag napupungaw asin naghihidaw sa mga patyo nin Kagurangnan. An sakong puso asin hawak nag-aawit sa kaogmahan sa Dios na buhay.

Exodo 23:31

Ibubugtak ko an mga kasagkoran kan saindong daga magpoon sa Salog nin Eufrates sagkod sa Dagat na Pula, asin magpoon sa kalangtadan sagkod sa Dagat nin Mediteraneo. Ibubugtak ko sa saindong mga kamot an mga nag-eerok sa daga asin papahaleon nindo sinda mantang naglalaog kamo sa daga.

Exodo 34:24

Huli ta mantang kamo naglalaog, papahaleon ko an mga banwaan asin papahiwason ko an saindong teritoryo; mayo nin siisay man na magmamawot na sakopon an saindong daga sa panahon na maatubang kamo sako sa tolong pyestang ini.

Mga Bilang 11:20

kundi para sa sambulan, sagkod na magluwas iyan sa saindang dungo dangan mauyam sinda. Ini an mangyayari huli ta isinikwal ninda ako na kaiba ninda asin nagsabi sinda na marahay pang dai na sinda naghale sa Egipto.”

Mga Bilang 11:34

Kaya an lugar nginaranan Kibrot-Hattaava huli ta duman ninda ilinubong an mga tawong nagin sobra an pagmawot sa karne.

Mga Bilang 11:4

Igwa nin mga dayuhan na nagbabaklay kaiba kan mga Israelita. An mga dayuhan nagkaigwa nin sobrang pagmawot na makakakan nin karne asin maski an mga Israelita nagpoon man magreklamo, “Kun igwa kutana kita nin makakakan na karne!

2 Corinto 9:14

Kaya tudok sa pusong ipapamibi ninda kamo huli kan dakulang biyaya na ipinahiling nin Dios saindo.

Deuteronomio 11:24

Mapapasaindo an gabos na daga na mababatayan nindo. An pagsadiri nindo mapoon sa desyerto sa parteng habagat sagkod sa kabukidan nin Lebanon sa parteng amihan; mapoon sa Salog nin Eufrates sa parteng sirangan sagkod sa Dagat nin Mediteraneo sa parteng solnopan.

Deuteronomio 12:15

“Alagad pwede kamong magbuno saka magkakan kan saindong mga hayop saen man kamo mag-erok. Pwede nindong kakanon an gusto nindo sosog sa bendisyon na iwinaras saindo nin Kagurangnan. Kamo gabos, malinig man o bako, pwedeng magkakan kaiyan arog kan pagkakan nindo kan karne nin usa o nin kaagid kaiyan.

Deuteronomio 12:21

Kun harayong marahay sa saindo an lugar na pagsasambahan, kun boot nindo, pwede kamong magbuno kan arin man sa saindong baka saka karnero na itinao saindo nin Kagurangnan, dangan kakanon nindo iyan sa saindong harong siring sa sinabi ko saindo.

Deuteronomio 19:8

“Kun padakulaon na nin Kagurangnan na saindong Dios an saindong teritoryo, siring sa itinaram niya sa saindong mga ginikanan, asin itao na niya saindo an daga na saiyang ipinanuga,

Filipos 1:8

Saksi ko an Dios na an paghidaw ko saindo arog kadakula kan pagkamoot saindo ni Cristo Jesus.

Filipos 2:26

Kanigoan an saiyang pagmawot na mahiling kamo gabos. Napurisaw an saiyang isip huli ta naaraman nindo na naghelang siya.