Deuteronomio 12:18 - Marahay na Bareta Biblia

¹⁸ Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 12:18 ပူးပေါင်းရင်းမြစ်များ

Salmo 32:11

Mag-ogma kamo sa Kagurangnan maggayagaya kamong mga matanos. Magkurahaw kamo sa kaogmahan, kamong mga nagkukuyog saiya!

Salmo 68:3

Alagad mag-orogma logod an mga matanos; magkururahaw logod sinda sa kaogmahan sa atubang nin Dios!

Mga Talinhaga 3:17

Magayagayang buhay an itinatao nin kadonongan asin matoninong ka niyang gigiyahan.

Parahulit 3:12

Aram ko na mayo nin ibang marahay para sato kundi an mag-ogma saka maggayagaya mantang buhay pa kita.

Parahulit 5:18

Ini an nahiling kong marahay na gibohon nin tawo: an pagkakan, an pag-inom saka an pag-ogma sa gabos na pinagalan niya mantang dai pa natatapos an halipot na buhay na itinao nin Dios saiya. Ini an palad nin tawo.

Isaias 12:3

Sa kaogmahan, an mga tawo maharok nin tubig sa mga bubon nin kaligtasan.

Mga Gibo 16:34

Pakatapos, ipinag-iba niya sinda sa saiyang harong asin pinakakan sinda. Naogma siya asin an saiyang pamilya, huli ta nagtubod na sinda sa Dios.

Mga Gibo 2:46

Aroaldaw nasa Templo sinda. Sararo sinda sa pagbaak kan tinapay sa mga erokan ninda, nagkakarakan na may kaogmahan asin kapakumbabaan sa puso.

1 Corinto 10:31

Kaya, anoman an gibohon nindo, magkakan man o mag-inom kamo, giboha nindo iyan gabos sa pag-omaw sa Dios.

Galacia 5:22

Alagad an bunga kan Espiritu pagkamoot, kaogmahan, katoninongan, pakatios, kabootan, karahayan, kaimbodan;

Deuteronomio 12:14

kundi duman sana sa lugar na pipilion nin Kagurangnan hale sa gabos na daga kan saindong mga tribu. Duman nanggad sana nindo idolot an saindong mga tinutong na atang asin duman nindo gibohon an gabos na ipinagboboot ko saindo.

Deuteronomio 12:19

Dai nanggad nindo pagpabayaan an mga Levita mantang nag-eerok kamo sa saindong daga.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Deuteronomio 14:23

Dangan magduman kamo sa lugar na pagsasambahan na pinili nin Kagurangnan na saindong Dios; duman sa atubang niya, kakanon nindo an mga himoloan kan saindong ani, kan saindong arak saka lana, asin kan matua kan saindong mga hayop. Gibohon nindo ini tanganing makanood kamong danay na matakot sa Kagurangnan na saindong Dios.

Deuteronomio 15:20

Taon-taon, an mga iyan kakakanon nindo sagkod kan saindong pamilya duman sa lugar na pagsasambahan, sa atubang nin Kagurangnan.

1 Samuel 1:4

Sa lambang pag-atang ni Elkana, tinatawan niya nin dakul na kahirasan na karne si Peninna sagkod an mga aki niya.