Deuteronomio 12:12 - Marahay na Bareta Biblia

¹² Mag-ogma kamo sa atubang niya, kaiba an saindong mga aki, mga oripon sagkod an mga Levita na nag-eerok sa saindong mga banwaan; giromdomon nindo na an mga Levita mayo nin sadiring daga.

Deuteronomio 12:12 ပူးပေါင်းရင်းမြစ်များ

1 Mga Hade 8:66

Kan ikawalong aldaw pinapuli ni Solomon an mga tawo. Benendisyonan kan mga tawo si Solomon asin maogma sindang nagpuli huli kan gabos na bendisyon na itinao nin Kagurangnan sa saiyang sorogoon na si David sagkod sa banwaan nin Israel.

2 Mga Cronica 29:36

Naogma si Hadeng Ezekias asin an banwaan huli ta tinabangan sinda nin Dios na magibo tolos an gabos na ini.

Nehemias 8:9

Kan madangog kan mga tawo an hinahagad kan Katogonan, natanyog an saindang boot asin huminibi sinda. Kaya sinabihan sinda ni Nehemias, na iyo an gobernador, ni Esdras na padi saka paratukdo kan Katogonan, asin kan mga Levita na nagtukdo sa mga tawo, “An aldaw na ini banal sa Kagurangnan na saindong Dios, kaya dai kamo magmondo o maghibi.

Salmo 147:1

Omawon an Kagurangnan! Marahay an mag-awit nin pag-omaw sa satong Dios; siya maugayon, kaya maninigong omawon.

Levitico 23:40

Sa enot na aldaw, magdara kamo kan pinakamarahay na mga bunga kan saindong mga kahoy, mga sanga nin palma, asin nin mga madahon na kahoy, dangan mag-ogma kamo sa atubangan nin Kagurangnan na saindong Dios sa laog nin pitong aldaw.

Mga Bilang 18:20

Tinaraman nin Kagurangnan si Aaron, “Dai ka magkakaigwa nin kahirasan asin kabtang sa daga kan mga Israelita. Ako, an Kagurangnan, iyo an saimong kahirasan, an saimong kabtang.”

Mga Bilang 18:26

na sabihan an mga Levita kan mga tataramon na ini: “Pag-ako nindo kan himoloan kan mga Israelita, na itinatao ko saindo bilang kahirasan, idodolot nindo sa Kagurangnan an ikasampolong kabtang kaiyan bilang sarong espesyal na regalo.

Juan 13:8

Nagsimbag si Simon Pedro, “Sagkod pa man dai ka mahanaw kan sakong mga bitis!” “Kun dai ko hanawan an mga bitis mo,” sabi ni Jesus, “Bako taka nang disipulo.”

Mga Gibo 8:21

Mayo ka nin kabtang o kahirasan sa bagay na ini, huli ta an saimong puso bakong matanos sa atubang nin Dios.

Deuteronomio 10:9

Kaya dai nag-ako nin kahirasan na daga an tribu ni Levi, bakong arog kan ibang tribu; an Kagurangnan iyo an saindang kahirasan, sosog sa ipinanuga sainda nin Kagurangnan na saindong Dios.)

Deuteronomio 12:18

Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 12:19

Dai nanggad nindo pagpabayaan an mga Levita mantang nag-eerok kamo sa saindong daga.

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Deuteronomio 14:29

An kakanon na iyan iyo an para sa mga Levita, huli ta dai sinda nin pagsadiri, asin para sa mga dayuhan, para sa mga ilo saka mga babaeng balo na nag-eerok sa saindong mga banwa. Maabot sinda asin makua kan gabos na kaipuhan ninda. Gibohon nindo ini asin bebendisyonan kamo nin Kagurangnan na saindong Dios sa gabos nindong ginigibo.

Deuteronomio 16:11

Sa atubang nin Kagurangnan, mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo asin mga babaeng balo na nag-eerok sa saindong mga banwa. Gibohon nindo ini sa lugar na pagsasambahan.

Deuteronomio 16:14

Mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo, asin mga babaeng balo na nag-eerok sa saindong mga banwa.

Deuteronomio 18:6

“An siisay man na Levita hale sa arin man na banwa sa Israel, kun boot niya, pwedeng magduman sa lugar na pagsasambahan,

Deuteronomio 26:11

Magpasalamat kamo sa Kagurangnan na saindong Dios huli sa mga karahayan na itinao niya saindo asin sa saindong pamilya; magselebrar kamo kaiba an mga Levita sagkod an mga dayuhan na nakikihimanwa saindo.

Deuteronomio 26:12

“Sa lambang ikatolong taon, itao nindo an himoloan—an ikasampolong parte kan saindong inani—sa mga Levita, mga dayuhan, mga ilo asin mga babaeng balo, tanganing sa lambang komunidad magkaigwa sinda kan pagkakan na saindang kaipuhan.

Deuteronomio 27:7

Diyan nindo dadarahon saka kakakanon an mga atang para sa katoninongan, asin mag-oogma kamo sa atubang nin Kagurangnan na saindong Dios.

Josue 13:14

Dai tinawan ni Moises nin daga an tribu ni Levi. Bilang saindang pamana, maako sinda nin kahirasan sa mga dolot na tinututong sa altar para sa Kagurangnan, an Dios nin Israel, siring sa itinaram nin Kagurangnan ki Moises.

Josue 13:33

Alagad an tribu ni Levi dai tinawan ni Moises nin daga. Sinabihan niya sinda na an saindang pamana iyo an Kagurangnan, an Dios nin Israel.