Deuteronomio 12:11 - Marahay na Bareta Biblia

¹¹ Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:11 ပူးပေါင်းရင်းမြစ်များ

1 Mga Hade 8:13

Itinugdok taka nin sarong magayon na Templo, sarong lugar na saimong erokan sagkod lamang.”

1 Mga Hade 8:16

‘Magpoon kan aldaw na iluwas ko sa Egipto an sakong banwaan, dai ako nagpili nin syudad sa gabos na tribu nin Israel tanganing tugdokan nin Templo na pagsasambahan sako. Alagad pinili taka David, na mamayo sa sakong banwaan.’”

1 Mga Hade 8:29

Bantayan mo logod an Templong ini aldaw-banggi, an lugar na ini na saimong pinili na pagsasambahan saimo. Hinanyoga ako kun mag-atubang ako sa Templong ini asin mamibi.

2 Mga Hade 18:22

Nagpadagos sa pagtaram an opisyal, “Tibaad sabihon nindo na minasarig kamo sa Kagurangnan na saindong Dios? Mga lugar na pagsasambahan saka mga altar nin Kagurangnan an rinumpag ni Ezekias kan sabihan niya an Juda asin Jerusalem na magsamba sana sa altar sa Jerusalem.

1 Mga Cronica 22:1

Kaya nagsabi si David, “Iyo ini an lugar na pagtutugdokan kan Templo nin Kagurangnan Dios, asin digdi mamumugtak an altar na pagdodolotan kan mga atang kan banwaan nin Israel.”

2 Mga Cronica 6:20

Bantayan mo logod an Templong ini aldaw-banggi, an lugar na ini na saimong pinili na pagsasambahan saimo. Hinanyoga ako kun mag-atubang ako sa Templong ini asin mamibi.

2 Mga Cronica 7:12

Dangan sarong banggi nagpahiling an Kagurangnan ki Solomon asin nagtaram, “Nadangog ko an saimong pamibi asin inako ko an Templong ini bilang harong na pagdodolotan nin sakripisyo para sako.

Esdras 6:12

An Dios na nagpili sa Jerusalem bilang lugar na pagsasambahan saiya iyo logod an magbagsak sa siisay man na hade o nasyon na magsalungat sa pagboot na ini asin maghingowang raoton an Templo duman. Ako, si Dario, an nagboot. Kaipuhan na kuyogon nanggad an sakong pagboot.”

Salmo 100:2

Maogmang maglingkod ka sa Kagurangnan! Magdolok ka sa atubang niya asin mag-awit nin maogma!

Salmo 116:17

Idodolot ko saimo an sakripisyo nin pasasalamat, asin aapodon ko an ngaran mo.

Salmo 66:13

Sa saimong harong madara ako nin mga tinutong na atang; mga panuga ko saimo sakong ootobon.

Salmo 78:68

kundi saiyang pinili an tribu ni Juda asin an Bukid nin Sion, na saiyang namomotan.

Exodo 25:8

Pagibohon mo an mga tawo nin sarong Tabernakulo para sako, tanganing mag-erok ako sa kaibahan ninda.

Exodo 29:45

Mag-eerok ako sa kaibahan kan banwaan nin Israel, asin ako an magigin Dios ninda.

Jeremias 7:12

Dumuman kamo sa Shilo, an lugar na enot kong pinili tanganing duman ako nindo sambahon, asin hilingon nindo an ginibo ko sa lugar na idto huli kan mga kasalan kan sakong banwaan na Israel.

Deuteronomio 12:13

Dai kamo magdolot kan saindong mga atang maski saen na lugar na saindong mapili,

Deuteronomio 12:14

kundi duman sana sa lugar na pipilion nin Kagurangnan hale sa gabos na daga kan saindong mga tribu. Duman nanggad sana nindo idolot an saindong mga tinutong na atang asin duman nindo gibohon an gabos na ipinagboboot ko saindo.

Deuteronomio 12:18

Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 12:21

Kun harayong marahay sa saindo an lugar na pagsasambahan, kun boot nindo, pwede kamong magbuno kan arin man sa saindong baka saka karnero na itinao saindo nin Kagurangnan, dangan kakanon nindo iyan sa saindong harong siring sa sinabi ko saindo.

Deuteronomio 12:26

Darahon nindo sa lugar na pagsasambahan an saindong mga dolot asin an saindong mga panugang regalo sa Kagurangnan.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 14:23

Dangan magduman kamo sa lugar na pagsasambahan na pinili nin Kagurangnan na saindong Dios; duman sa atubang niya, kakanon nindo an mga himoloan kan saindong ani, kan saindong arak saka lana, asin kan matua kan saindong mga hayop. Gibohon nindo ini tanganing makanood kamong danay na matakot sa Kagurangnan na saindong Dios.

Deuteronomio 15:19

“Konsagrahon nindo para sa Kagurangnan na saindong Dios an gabos na matuang lalaking baka asin karnero; dai nindo paggamiton sa trabaho an arin man sa mga bakang iyan, asin dai man nindo pagguntingan an arin man sa mga karnerong iyan.

Deuteronomio 15:20

Taon-taon, an mga iyan kakakanon nindo sagkod kan saindong pamilya duman sa lugar na pagsasambahan, sa atubang nin Kagurangnan.

Deuteronomio 17:8

“Kun igwa nin mga kaso na dipisil hukoman kan mga hukom sa saindong mga banwa, arog baga kun siisay an tunay na kagsadiri, o mga kaso nin pangungulog asin nin paggadan o dai tinuyong paggadan, an mga ini darahon nindo duman sa lugar na pagsasambahan na pinili nin Kagurangnan na saindong Dios.

Deuteronomio 18:6

“An siisay man na Levita hale sa arin man na banwa sa Israel, kun boot niya, pwedeng magduman sa lugar na pagsasambahan,

Deuteronomio 23:16

Pwede siyang mag-erok sa arin man kan saindong mga banwa na pilion niya, asin dai nindo siya pag-apihon.

Deuteronomio 26:2

an lambang saro saindo magkua kan enot na mga bunga kan saindong mga tinanom, ilaog nindo sa sarong basket, dangan darahon sa lugar na pagsasambahan sa Kagurangnan.

Deuteronomio 31:11

Basahon nindo ini sa atubang kan bilog na Israel, sa panahon na magtiripon sinda sa pagsamba sa Kagurangnan na saindong Dios duman sa lugar na pagsasambahan.

Josue 18:1

Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.

Josue 22:11

Naosipan an ibang mga Israelita, “Dangoga nindo! An mga tribu ni Ruben, Gad, asin an kabangang tribu ni Manases nagturugdok nin altar sa Gelilot sa parte kan Jordan na sadiri ta.”

Josue 22:16

Sa ngaran kan bilog na komunidad nin Kagurangnan, hinapot ninda an mga ini, “Anong katampalasanan ining ginibo nindo tumang sa Dios nin Israel? Kinalaban nindo an Kagurangnan sa pagpatindog kan altar na ini para sa saindong sadiri! Dai na kamo nagsusunod saiya!

Josue 22:23

Kun kami nagsuhay sa Kagurangnan asin nagpatindog nin sadiri nyamong altar tanganing pagtutongan kan samong mga dolot o tanganing gamiton para sa mga dolot na pagkakan asin sa katoninongan, padusahan logod kami nin Kagurangnan.

Josue 22:27

kundi bilang sarong tanda para samo asin para saindo, patin para sa kapagarakian na masunod sa sato, na talagang nagsasaramba kita sa Kagurangnan sa atubang kan banal niyang Tabernakulo, huli sa satong mga tinutong na atang, mga sakripisyo sagkod mga dolot para sa katoninongan. Ini an paagi tanganing dai masabi kan saindong mga aki na an samong mga aki dai nin pakilabot sa Kagurangnan.

Josue 22:29

Dai nanggad kami matumang sa Kagurangnan o matalikod saiya ngunyan, huli sa pagpatindog nin altar para sa mga tinutong na atang, mga dolot na pagkakan o mga sakripisyo. Dai kami mapatindog nin ibang altar kundi an altar nin Kagurangnan na satong Dios na nasa atubangan kan Tabernakulo.”

Josue 9:27

Alagad ginibo niya sindang mga oripon, mga paraputol nin kahoy asin parasakdo nin tubig para sa mga Israelita asin para sa altar nin Kagurangnan. Sagkod ngunyan ginigibo ninda an trabahong ini sa lugar na pinili nin Kagurangnan na pagsasambahan saiya.

1 Samuel 1:21

Nag-abot giraray an panahon na kaipuhan magduman sa Shilo si Elkana saka an saiyang pamilya tanganing magdolot sa Kagurangnan kan taon-taon na atang asin mag-otob kan saiyang panuga.