Deuteronomio 11:9 - Marahay na Bareta Biblia

⁹ tanganing maghalawig an saindong buhay duman sa dagang mayaman sa gabos na bagay, daga na ipinanuga nin Kagurangnan na itatao sa saindong mga ginikanan asin sa saindang mga kapagarakian.

Deuteronomio 11:9 ပူးပေါင်းရင်းမြစ်များ

Exodo 20:12

“Galangan nindo an saindong ama asin ina, tanganing mabuhay kamo nin halawig sa dagang itatao ko sa saindo.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Mga Talinhaga 10:27

An pagkatakot sa Kagurangnan nagpapahalawig nin buhay, alagad halipot an mga taon kan maraot na tawo.

Mga Talinhaga 3:16

Idinodolot nin kadonongan an halawig na buhay, na may kaibang kayamanan asin kaomawan.

Mga Talinhaga 3:2

An katukdoan ko matao saimo nin halawig na buhay asin mauswag na pamumuhay.

Mga Talinhaga 9:11

Huli sako, madakul an saimong mga aldaw asin mahalawig an saimong buhay.

Ezekiel 20:6

Kan aldaw na idto nanuga ako na iluluwas ko sinda sa Egipto asin dadarahon sa dagang pinili ko para sainda, sarong mayaman na daga, an pinakamarahay sa gabos na daga.

Deuteronomio 1:8

Ini gabos inandam ko para saindo; dumanon nindo asin sakopon an daga na ipinanuga ko na itatao sa saindong mga ginikanan, ki Abraham, ki Isaac, asin ki Jacob sagkod sa saindang kapagarakian.’”

Deuteronomio 11:10

An daga na saindong sasakopon iba man sa daga kan Egipto na saindong pinag-erokan. Sa pagtanom nindo nin banhi duman sa Egipto, kaipuhan magtrabaho kamo nin marahay tanganing matubigan an kaomahan;

Deuteronomio 11:21

tanganing maghalawig an saindong buhay asin an buhay kan saindong kapagarakian duman sa daga na ipinanuga nin Kagurangnan na saindong Dios na itatao sa saindong mga ginikanan. Mag-eerok kamo duman sagkod na an kalangitan nasa itaas kan daga.

Deuteronomio 4:40

Kuyogon nindo an saiyang mga togon asin pagboot na itinatao ko saindo ngunyan na aldaw, tanganing mapakarahay kamo sagkod an saindong mga aki, asin maghalawig an saindong buhay sa daga na sagkod lamang itinatao saindo nin Kagurangnan na saindong Dios.”

Deuteronomio 5:16

“‘Galangan nindo an saindong ama asin ina, siring na ako, an Kagurangnan na saindong Dios, an nagboboot sa saindo, tanganing maghalawig an saindong buhay asin mapakarahay kamo duman sa daga na itinatao ko saindo.

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Deuteronomio 6:18

Gibohon nindo an matanos asin an marahay sa atubang nin Kagurangnan tanganing mapakarahay kamo dangan masadirihan nindo an mayaman na daga na ipinanuga nin Kagurangnan sa saindong mga ginikanan,

Deuteronomio 6:2

Sa bilog nindong pagkabuhay, kamo sagkod an saindong kapagarakian dapat na matakot sa Kagurangnan na saindong Dios, asin magkuyog kan gabos niyang togon na itinatao ko saindo, tanganing maghalawig an saindong buhay.

Deuteronomio 6:3

Kaya dangoga nindo ini, mga Israelita, asin kuyogon nindo, tanganing mapakarahay kamo asin magdakul duman sa dagang matubang saka mayaman sa gabos na bagay, siring sa ipinanuga nin Kagurangnan, na Dios kan saindong mga ginikanan.

Deuteronomio 8:7

Dadarahon kamo nin Kagurangnan na saindong Dios sa sarong marahay na daga—daga na igwa nin mga salog, mga sapa asin mga burabod na minabulos sa mga kapantayan saka kabubuldan;

Deuteronomio 9:5

Itatao niya saindo an daga ninda bakong huli ta mga marahay kamo asin tama an ginigibo nindo. Papahaleon sinda nin Kagurangnan huli ta mga maraot sinda asin huli ta boot niyang otobon an saiyang panuga sa saindong mga ginikanan, ki Abraham, ki Isaac saka ki Jacob.