Deuteronomio 11:32 - Marahay na Bareta Biblia

³² kuyogon nanggad nindo an mga pagboot na itinatao ko saindo ngunyan na aldaw.

Deuteronomio 11:32 ပူးပေါင်းရင်းမြစ်များ

Salmo 119:6

Kaya ngapit dai ako mapapasopog, huli ta inootob ko an gabos mong kabotan.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Juan 15:14

Mga katood ko kamo kun gibohon nindo an mga ipinagboboot ko saindo.

Deuteronomio 11:31

Madali na nindong balyohon an Salog nin Jordan asin sakopon an dagang itinatao saindo nin Kagurangnan na saindong Dios. Kun masadirihan na nindo an daga asin mag-erok na kamo duman,

Deuteronomio 12:1

“Uya an mga pagboot na kukuyogon nindo sa bilog nindong pagkabuhay duman sa daga na itinatao saindo nin Kagurangnan, an Dios kan saindong mga ginikanan. Dangoga nindo an mga ini!

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

Deuteronomio 13:6

“Kun an saindong tugang o an aki nindong lalaki o babae, o an namomotan nindong agom o an saindong nangongorog na katood, hilom na magdagka saindo na magsamba sa ibang mga dios na dai pa nindo sinamba asin kan saindong mga ginikanan,

Deuteronomio 4:1

Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

Deuteronomio 4:5

“Itinukdo ko saindo an gabos na togon asin pagboot, siring sa itinaram sako nin Kagurangnan. Kuyogon nindo iyan duman sa daga na lalaogon nindo asin sasadirihon.

Deuteronomio 8:11

“Dai nanggad nindo paglingawan an Kagurangnan na saindong Dios; kuyogon nanggad nindo an gabos niyang togon saka pagboot na itinatao ko saindo ngunyan na aldaw.