Deuteronomio 11:21 - Marahay na Bareta Biblia

²¹ tanganing maghalawig an saindong buhay asin an buhay kan saindong kapagarakian duman sa daga na ipinanuga nin Kagurangnan na saindong Dios na itatao sa saindong mga ginikanan. Mag-eerok kamo duman sagkod na an kalangitan nasa itaas kan daga.

Deuteronomio 11:21 ပူးပေါင်းရင်းမြစ်များ

Salmo 72:5

Mabuhay logod siya mantang nagdadanay an aldaw, mantang nagliliwanag an bulan sa gabos na henerasyon.

Salmo 89:30

“Alagad kun an katogonan ko talikodan kan saiyang kapagarakian, asin dai sinda mamuhay sosog sa sakong kabotan,

Mga Talinhaga 3:16

Idinodolot nin kadonongan an halawig na buhay, na may kaibang kayamanan asin kaomawan.

Mga Talinhaga 3:2

An katukdoan ko matao saimo nin halawig na buhay asin mauswag na pamumuhay.

Mga Talinhaga 4:10

Magdangog ka, aki ko, asin akoa an sakong mga tataramon, tanganing mabuhay ka sa halawig na panahon.

Mga Talinhaga 9:11

Huli sako, madakul an saimong mga aldaw asin mahalawig an saimong buhay.

Isaias 65:20

An mga pasuso dai na magagadan mantang omboy pa, asin an gabos na tawo maghahalawig an buhay. An mga nakakaabot sa edad na sanggatos, ibibilang na aki pa. An magkagaradan bago kan edad na iyan magigin sarong tanda na pinapadusahan ko sinda.

Deuteronomio 11:9

tanganing maghalawig an saindong buhay duman sa dagang mayaman sa gabos na bagay, daga na ipinanuga nin Kagurangnan na itatao sa saindong mga ginikanan asin sa saindang mga kapagarakian.

Deuteronomio 4:40

Kuyogon nindo an saiyang mga togon asin pagboot na itinatao ko saindo ngunyan na aldaw, tanganing mapakarahay kamo sagkod an saindong mga aki, asin maghalawig an saindong buhay sa daga na sagkod lamang itinatao saindo nin Kagurangnan na saindong Dios.”

Deuteronomio 5:16

“‘Galangan nindo an saindong ama asin ina, siring na ako, an Kagurangnan na saindong Dios, an nagboboot sa saindo, tanganing maghalawig an saindong buhay asin mapakarahay kamo duman sa daga na itinatao ko saindo.

Deuteronomio 6:2

Sa bilog nindong pagkabuhay, kamo sagkod an saindong kapagarakian dapat na matakot sa Kagurangnan na saindong Dios, asin magkuyog kan gabos niyang togon na itinatao ko saindo, tanganing maghalawig an saindong buhay.

Kapahayagan 20:6

Paladan asin banal an makaiba sa enot na pagkabuhay liwat! An ikaduwang kagadanan dai nin kapangyarihan sainda; magigin sindang mga padi nin Dios asin ni Cristo; maghahade sinda kaiba niya sa laog nin sangribong taon.