Deuteronomio 11:16 - Marahay na Bareta Biblia

¹⁶ Mag-ingat kamo tibaad madaya kamo asin talikodan nindo an Kagurangnan dangan magsamba kamo asin maglingkod sa mga dios-dios.

Deuteronomio 11:16 ပူးပေါင်းရင်းမြစ်များ

1 Mga Hade 8:35

“Kun serahan mo an langit asin dai mag-uran huli ta nagkasala sinda saimo; kun magsolsol sinda saka mag-atubang sa Templong ini, mapakumbaba na mamibi saimo,

An Libro ni Job 31:27

asin hilom na nadagka an sakong puso, patin hinadokan ko an sakong kamot sa pagtaong galang sa mga iyan;

Isaias 44:20

Garo man sana siya nagkakan nin abo. Linagalag siya kan saiyang lolong na isip; dai na siya matatabangan. Dai niya aakoon na an ladawan na saiyang kapot bako man talaga dios.

Lukas 21:34

“Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

Lukas 21:36

Kaya magpuka kamo sa gabos na oras; danay kamong mamibi na magkaigwa kamo nin kosog tanganing makaligtas kamo sa gabos na mangyayaring iyan, dangan makaatubang kamo sa Aki nin Tawo.”

Lukas 21:8

Nagsimbag si Jesus, “Mag-ingat kamo; dai kamo magpadaya. Huli ta dakul an madigdi sa ngaran ko na magsasabi, ‘Ako an Cristo!’ o ‘Nag-abot na an oras!’ Dai kamo magtubod sainda.

Deuteronomio 12:30

Pakatapos na rumpagon sinda nin Kagurangnan, dai nanggad nindo pag-arogon an saindang mga gawe nin pagsamba, huli ta iyan an magadan saindo. Dai nindo pagsiyasaton kun paano an pagsamba ninda sa saindang mga dios-dios, tanganing maarog man nindo.

Deuteronomio 13:3

dai kamo magtubod saiya. Ginagamit siya nin Kagurangnan na saindong Dios sa pagbalo saindo tanganing mahiling niya kun talagang namomotan nindo siya sa bilog nindong puso.

Deuteronomio 17:3

sa pagsamba asin paglingkod sa ibang mga dios o sa pagsamba sa aldaw, sa bulan o sa mga bitoon, na tumang sa pagboot nin Kagurangnan.

Deuteronomio 28:14

Dai nanggad kamo maglapas kan arin man sa mga sinabi ko ngunyan na aldaw, o magsamba saka maglingkod sa mga dios-dios.

Deuteronomio 29:17

Nahiling nindo an saindang makauuyam na mga gibo, an saindang mga dios-dios na gibo sa kahoy, gapo, plata asin bulawan.

Deuteronomio 29:18

Maglikay kamo ta tibaad igwa saindo digdi ngunyan nin lalaki o babae, pamilya o tribu na matalikod sa Kagurangnan na satong Dios, tanganing maglingkod sa mga dios-dios kan ibang nasyon. Nakakaagid ini sa sarong kahoy na nagin mapait asin nakakahudong an bunga.

Deuteronomio 30:17

Alagad kun magtalikod asin magbinongog-bongog kamo saiya dangan madagka na magsamba sa ibang mga dios-dios,

Deuteronomio 31:20

Dadarahon ko sinda sa dagang mayaman sa gabos na bagay, siring sa sakong ipinanuga sa saindang mga ginikanan. Makukua ninda duman an gabos na pagkakan na saindang kaipuhan, asin toninong sindang mabubuhay. Alagad masamba sinda saka malingkod sa mga dios-dios. Matalikod sinda sako asin lalapason ninda an sakong tipan;

Deuteronomio 4:23

Dai nanggad nindo paglingawan an tipan saindo nin Kagurangnan na saindong Dios. Otobon nindo an saiyang pagboot asin dai kamo maggibo nin ano man na ladawan na ipinapangalad niya,

Deuteronomio 4:9

Magmaan kamo. Dai nanggad nindo paglingawan, sa bilog nindong pagkabuhay, an mga bagay na saindong nahiling. Iosip nindo sa saindong mga aki asin mga makoapo,

Deuteronomio 5:7

“‘Dai kamo nin ibang dios na sasambahon kundi ako sana.

Deuteronomio 8:19

Dai kamo malingaw sa Kagurangnan na saindong Dios asin dai kamo maglingkod patin magsamba sa ibang mga dios. Kun gibohon nindo iyan, pinapatanidan ko kamo ngunyan na talagang magagadan kamo.

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.

Hebreyo 2:1

Kaya dapat na orog na pahalagahan nyato an mga katotoohan na nadangog ta tanganing dai kita mapaharayo diyan.

Hebreyo 3:12

Mag-ingat kamo, mga tugang, ta tibaad igwa nin saro saindo na maraot asin mayo nin pagtubod na magdagka saindo sa pagtalikod sa Dios na buhay.

Hebreyo 4:1

Kaya mantang nagdadanay an panuga nin Dios na makakalaog kita sa pahingaloan niya, mag-ingat kita tanganing mayong masabi na dai kita nakapasar sa paglaog duman.

Santiago 1:26

An naghohona na siya maki-Dios, alagad dai tataong magpugol kan saiyang dila, nagdadaya sa sadiri niya; an saiyang pagkamaki-Dios mayong halaga.

1 Juan 5:21

Mga aki, maglikay kamo sa mga dios-dios.

Kapahayagan 12:9

Itinapok an dakulang dragon—an kasuanoy na halas na nginaranan Diablo o Satanas—an paradaya kan bilog na kinaban. Ihinulog siya sa daga, kaiba an gabos niyang mga anghel.

Kapahayagan 13:14

Kaya nadaya niya an gabos na tawo sa daga huli kan mga ngangalasan na itinugot na gibohon niya sa atubang kan enot na hayop. Pinagbotan niya an mga tawo sa kinaban na maggibo nin sarong ladawan bilang pag-omaw sa hayop na nalugadan sa espada alagad buhay pa.

Kapahayagan 20:4

Dangan nakahiling ako nin mga trono. An mga nakatukaw duman iyo an tinawan nin kapangyarihan na maghukom. Nahiling ko man an mga kalag kan mga ginaradan huli kan saindang pagpatotoo dapit ki Jesus saka dapit sa tataramon nin Dios. Dai sinda nagsamba sa hayop o sa ladawan kaini; dai man sinda nagpabugtak kan marka kan hayop sa saindang mga angog o mga kamot. Nabuhay sinda dangan naghade kaiba ni Cristo sa laog nin sangribong taon.

1 Samuel 12:20

Nagsimbag si Samuel, “Dai kamo matakot; maski nakaginibo kamo kaining dakulang karatan dai sana kamo magtalikod sa Kagurangnan, kundi paglingkodan nindo siya sa bilog nindong puso.

1 Samuel 12:21

Dai kamo magsamba sa mga dios-dios na dai makakatabang o makakaligtas saindo, huli ta bako sinda an totoong Dios.