Deuteronomio 11:15 - Marahay na Bareta Biblia

¹⁵ asin doot para sa saindong mga hayop. Magkakaigwa kamo kan gabos na pagkakan na kaipuhan nindo.

Deuteronomio 11:15 ပူးပေါင်းရင်းမြစ်များ

1 Mga Hade 18:5

Nagsabi si Ahab ki Obadias, “Liboton ta an daga asin hilingon ta an lambang burabod saka kapantayan; tibaad makakua kita nin mga doot tanganing dai magadan sa gutom an mga kabayo saka mula, asin tanganing dai mainaan an bilang kan satong mga hayop.”

Salmo 104:14

An doot pinapatalubo mo para sa mga baka, an tinanom para sa mga kaipuhan nin tawo, nganing magkaigwa siya nin kakanon hale sa daga,

Jeremias 14:5

Binayaan kan inang usa an saiyang ogbon na bagong mamundag huli ta mayo nang doot.

Joel 1:18

An mga baka nag-uungal sa kasakitan, huli ta para sainda mayo na an mga pasabsaban; an mga karnero nagtitios man.

Joel 2:19

Sinimbag niya sinda: “Ngunyan tatawan ko kamo nin trigo, arak saka lana nin oliba, asin mababasog kamo. Dai na kamo pagtutuyatuyaon kan ibang nasyon.

Joel 2:22

Mga hayop, dai kamo matakot. Berde na an mga pasabsaban; nagbubunga na an mga kahoy, asin dakul na an bunga kan higera saka ubas.

Joel 2:26

Ngunyan magkakaigwa na kamo nin dakul na pagkakan, asin mababasog kamo. Oomawon nindo an Kagurangnan na saindong Dios, na naggibo para saindo kan mga makangangalas na mga bagay. Dai na nanggad pagtutuyatuyaon an sakong banwaan.

Levitico 26:5

Magigin dakul an saindong aanihon, kaya mantang nag-aani pa kamo kan saindong trigo maabot na an panahon na maguno kamo kan ubas asin mantang nagguguno pa kamo kan ubas, maabot na an panahon nin pagsabwag nin trigo. Mapapasaindo an gabos na boot nindong kakanon asin mamumuhay kamong matoninong sa saindong daga.

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Deuteronomio 6:11

nin mga harong na pano nin mga bagay na marahay na dai man nindo ilinaog, asin nin mga bubon na dai man nindo kinalot, nin mga ubas saka mga oliba na dai man nindo itinanom. Kun darahon na kamo nin Kagurangnan sa dagang iyan, asin kun igwa na kamo kan gabos na boot nindong kakanon,

Deuteronomio 8:10

Magkakaigwa kamo duman kan gabos na gusto nindong kakanon, asin magpapasalamat kamo sa Kagurangnan na saindong Dios huli sa marahay na daga na itinao niya saindo.