Deuteronomio 11:13 - Marahay na Bareta Biblia

¹³ “Kaya kuyogon nanggad nindo an gabos na togon na itinao ko saindo ngunyan; kamotan nindo an Kagurangnan na saindong Dios asin paglingkodan nindo siya sa bilog nindong puso.

Deuteronomio 11:13 ပူးပေါင်းရင်းမြစ်များ

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

Salmo 119:2

Paladan an mga tawong nag-ootob kan saiyang mga kabotan, na nagkukuyog sa saiya sa bilog nindang puso.

Salmo 119:4

Itinao mo samo an saimong mga togon Kagurangnan, asin pinagbotan na maimbod nyamong kuyogon iyan.

Jeremias 17:24

“Sabihan mo an mga tawong ini na dapat nindang kuyogon an gabos kong pagboot. Dai nanggad sinda magdara nin anoman sa paglaog sa mga trangkahan kan syudad na ini kun Sabbath. Dapat nindang ipaglehe an Sabbath bilang sarong banal na aldaw asin dai nanggad sinda magtrabaho.

Ezekiel 34:26

“Bebendisyonan ko sinda asin tutugotan na mag-erok sa palibot kan sakong banal na bulod. Papadarahan ko sinda duman nin uran sa tamang panahon; an uran na iyan magigin sarong bendisyon.

Levitico 26:3

“Kun kamo mamuhay sosog sa sakuyang mga togon asin magsunod kan sakuyang mga pagboot,

Levitico 26:4

papadarahan ko kamo nin uran sa tamang panahon tanganing magtao nin ani an daga asin mamunga an mga kahoy.

Deuteronomio 10:12

“Banwaan nin Israel, dangoga nindo ngunyan an kahagadan saindo nin Kagurangnan na saindong Dios; magkaigwa kamo nin pagkatakot saiya asin otobon nindo an saiyang mga pagboot. Kamotan nindo an Kagurangnan saka paglingkodan nindo siya sa bilog nindong puso,

Deuteronomio 11:1

“Kamotan nindo an Kagurangnan na saindong Dios, asin danay na kuyogon nindo an saiyang mga togon saka mga pagboot.

Deuteronomio 11:22

“Maimbod na kuyogon nindo an gabos na ipinagboot ko: kamotan nindo an Kagurangnan na saindong Dios, gibohon nindo an gabos niyang ipinagboboot asin magmaimbod kamo saiya.

Deuteronomio 11:8

“Kuyogon nindo an gabos na togon na ipinagboot ko saindo ngunyan, tanganing makabalyo kamo sa salog saka masakop nindo an daga na saindong lalaogon,

Deuteronomio 28:1

“Kun magkuyog kamo sa Kagurangnan na saindong Dios asin maimbod na mag-otob kan saiyang mga pagboot na itinatao ko saindo ngunyan na aldaw, gigibohon niya kamong pinakadakula sa gabos na nasyon sa daga.

Deuteronomio 4:29

Hihidawon nindo duman an Kagurangnan na saindong Dios, asin kun hahanapon nindo siya sa bilog nindong puso, makukua nindo siya.

Deuteronomio 6:17

Kuyogon nanggad nindo an gabos na togon na itinao niya saindo.

Deuteronomio 7:12

“Kun dangogon nindo asin kuyogon an mga togon na ini, ootobon nin Kagurangnan na saindong Dios an saiyang tipan asin ipapahiling niya saindo an saiyang danay na pagkamoot na ipinanuga niya sa saindong mga ginikanan.