Deuteronomio 11:10 - Marahay na Bareta Biblia

¹⁰ An daga na saindong sasakopon iba man sa daga kan Egipto na saindong pinag-erokan. Sa pagtanom nindo nin banhi duman sa Egipto, kaipuhan magtrabaho kamo nin marahay tanganing matubigan an kaomahan;

Deuteronomio 11:10 ပူးပေါင်းရင်းမြစ်များ

Isaias 19:10

an mga parahabol saka an saindang mga katabang mawawaraan nin hanapbuhay asin magmomondo.

Isaias 37:25

Naghambog ka na nagkalot ka nin mga bubon asin nag-inom nin tubig sa dayuhan na mga daga, patin na an Salog nin Nilo nagmara kan timaktimakan ini kan saimong mga soldados.

Jeremias 2:7

Dinara ko sinda sa sarong matubang na daga, tanganing magpakabasog sinda sa mga bunga asin sa iba pang marahay na mga bagay na makukua duman. Alagad paglaog ninda, rinaot ninda an sakong daga; dinigtaan ninda an dagang itinao ko sainda.

Zacarias 14:18

Kun dai magselebrar an mga taga Egipto kan Pyesta nin mga Harong-harong, maabot sa sainda an parehong peste na ipapadara nin Kagurangnan sa arin man na nasyon na habong magduman.

Deuteronomio 11:11

alagad an daga na saindong lalaogon, sarong daga nin kabubuldan asin nin mga kapantayan na binabaribi nin uran.

Deuteronomio 11:9

tanganing maghalawig an saindong buhay duman sa dagang mayaman sa gabos na bagay, daga na ipinanuga nin Kagurangnan na itatao sa saindong mga ginikanan asin sa saindang mga kapagarakian.

Deuteronomio 8:7

Dadarahon kamo nin Kagurangnan na saindong Dios sa sarong marahay na daga—daga na igwa nin mga salog, mga sapa asin mga burabod na minabulos sa mga kapantayan saka kabubuldan;