Deuteronomio 10:8 - Marahay na Bareta Biblia

⁸ Kan panahon na iyan pinili nin Kagurangnan an mga lalaki sa tribu ni Levi na iyo an mamahala kan Kaban nin Tipan, tanganing maglingkod saiya bilang mga padi asin magbendisyon sa ngaran nin Kagurangnan. Sagkod ngunyan ginigibo pa ninda ini.

Deuteronomio 10:8 ပူးပေါင်းရင်းမြစ်များ

1 Mga Hade 8:6

An Kaban nin Tipan ilinaog kan mga padi sa pinakalaog na santwaryo kan Templo, sa Kabanal-banaleng Lugar, sa irarom kan mga pakpak kan mga kerubin.

1 Mga Cronica 15:2

Dangan nagsabi si David, “An mga Levita sana iyo an makakapagdara kan Kaban nin Tipan, huli ta sinda an pinili nin Kagurangnan na magdara kaiyan asin maglingkod saiya sagkod pa man.”

1 Mga Cronica 15:26

Nag-atang sinda nin pitong torong baka asin pitong karnero tanganing tabangan nin Dios an mga Levita sa pagdara kan Kaban nin Tipan.

1 Mga Cronica 23:13

An mga aking lalaki ni Amram iyo si Aaron asin si Moises. Linaen si Aaron dangan an saiyang kapagarakian, tanganing sagkod pa man sinda an mamahala kan mga banal na bagay, magtutong nin insenso sa atubangan nin Kagurangnan, maglingkod saiya asin tanganing magbendisyon sa mga tawo sa ngaran nin Kagurangnan.

1 Mga Cronica 23:26

Kaya an mga Levita dai na kaipuhan magdara kan Tabernakulo asin kan mga kasangkapan na ginagamit sa pagsamba.”

2 Mga Cronica 29:11

Mga aki ko, dai kamo magpabaya, huli ta kamo an pinili nin Kagurangnan na magtindog sa atubang niya, maglingkod saiya dangan magtutong nin insenso para saiya.”

2 Mga Cronica 30:27

Dangan hinagad sa Kagurangnan kan mga padi asin kan mga Levita na bendisyonan an banwaan. Sa langit na saiyang erokan nadangog dangan inako nin Dios an saindang pamibi.

Salmo 134:1

Madya, omawon nindo an Kagurangnan, kamo gabos na saiyang sorogoon, na naglilingkod sa saiyang Templo kun banggi.

Salmo 134:2

Iitaas nindo an saindong mga kamot sa banal na lugar asin omawon nindo an Kagurangnan!

Salmo 135:2

na naglilingkod sa harong nin Kagurangnan, na yaon sa mga patyo kan harong nin satong Dios.

Jeremias 15:19

Sinimbag ako nin Kagurangnan, “Kun magbalik ka, aakoon taka asin magigin sorogoon taka giraray. Kun magpapahayag ka nin sarong mahalagang mensahe, embes na magparataram ka kan bagay na mayo nin halaga, gigibohon taka giraray na propeta. Madorolok giraray saimo an mga tawo asin dai mo na kaipuhan na magduman sainda.

Ezekiel 44:11

Pwede sindang maglingkod sako sa Templo sa paagi nin pamamahala kan mga trangkahan asin nin paggibo kan mga trabaho sa laog kan Templo. Pwede sindang magbuno kan mga hayop na dolot kan mga tawo para sa tinutong na atang saka mga sakripisyo, asin sinda an maglilingkod sa tawo.

Ezekiel 44:15

Nagtaram an Kagurangnan Dios, “Alagad an mga padi na kaayon sa tribu ni Levi asin gikan sa pamilya ni Zadok padagos na naglingkod sako kan an gabos na Israelita nagtalikod sako. Kaya ngunyan sinda an maglilingkod sako, asin madolok sa pagdolot kan taba saka dugo kan mga hayop na isinakripisyo.

Levitico 8:9

Ibinugtak niya an mitra sa payo ni Aaron asin sa atubangan kaiyan ibinugtak niya an bulawan na korona, an banal na tanda kan konsagrasyon, sosog sa ipinagboot saiya nin Kagurangnan.

Levitico 9:22

Kan matapos ni Aaron an pagdolot, itinaas niya an saiyang mga kamot asin benendisyonan an mga tawo, dangan naglusad siya.

Mga Bilang 3:31

Sinda an mamamahala kan Kaban nin Tipan, kan lamesa, kan kandelero, kan mga altar, sagkod kan mga kasangkapan na ginagamit kan mga padi sa Banal na Lugar, patin kan kurtinang panlipod sa pintoan kan Kabanal-banaleng lugar. Sainda an gabos na trabaho na may kinaaraman sa mga bagay na ini.

Mga Bilang 3:6

“Darahon mo digdi an tribu ni Levi, dangan italaga mo sinda bilang mga katabang ni Aaron na padi.

Mga Bilang 4:15

Kun mahale na sinda sa saindang pinagkakampohan pakatapos na mapatos ni Aaron saka kan saiyang mga aki an mga kagamitan sa Tabernakulo, madolok an kamaganakan ni Kohat tanganing darahon an mga sagradong bagay. Alagad dai ninda dapat dutaan an mga iyan tanganing dai sinda magadan. Iyo iyan an magigin katongdan kan kamaganakan ni Kohat kun liniliwat an Tabernakulo.

Juan 15:16

Bako kamo an nagpili sako; ako an nagpili asin nagsugo saindo na maglakaw saka na mamunga kamo, patin magdanay an bunga nindong iyan. Huli kaini, itatao saindo kan Ama an anoman na hagadon nindo saiya sa ngaran ko.

Mga Gibo 13:2

Sarong aldaw, kan nagsasamba sinda sa Kagurangnan saka nag-aayuno, nagsabi sainda an Espiritu Santo, “Laena nindo para sako si Bernabe asin si Saulo para sa misyon na ipinanongod ko para sainda.”

Roma 1:1

Surat na hale ki Pablo na sorogoon ni Cristo Jesus, pinili asin inapod nin Dios na magin apostol tanganing maghulit kan Marahay na Bareta niya.

Roma 12:7

Kun balaog sa paglingkod an itinao sato, maglingkod kita; kun sa pagtukdo, magtukdo kita;

2 Corinto 6:17

“Kaya bayaan nindo sinda,” an sabi nin Dios, “sumiblag kamo sainda. Dai kamo magduta sa anoman na maati, dangan aakoon ko kamo.

Galacia 1:15

Alagad, pinili ako nin Dios bago pa ako namundag, asin inapod niya ako huli kan saiyang biyaya. Kan binoot na niyang

Deuteronomio 17:12

Gagadanon an siisay man na mangahas na maglapas kan pagboot kan hukom o kan padi na naglilingkod sa atubang nin Kagurangnan. Sa siring na paagi, mahahale an karatan na iyan sa Israel.

Deuteronomio 18:5

Sa gabos na tribu, pinili nin Kagurangnan an tribu ni Levi tanganing maglingkod sa saiya bilang mga padi sagkod pa man.

Deuteronomio 21:3

Dangan an mga lider kan banwa na pinakaharani sa lugar na nakuahan kan bangkay mapili nin sarong torilyong baka na dai pa ginamit sa pagtrabaho.

Deuteronomio 21:5

Maduman man an mga pading Levita huli ta sinda an mahukom kan lambang kaso manongod sa kadahasan. Pinili sinda nin Kagurangnan na saindong Dios tanganing maglingkod saiya asin magbendisyon sa ngaran niya.

Deuteronomio 31:9

Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.