Deuteronomio 10:4 - Marahay na Bareta Biblia

⁴ Isinurat nin Kagurangnan sa mga gapong ini an mga isinurat niya duman sa naenot, an Sampolong Togon na itinaram niya saindo hale duman sa kalayo kan magtiripon kamo sa bukid. Itinao sako nin Kagurangnan an mga tablang gapo.

Deuteronomio 10:4 ပူးပေါင်းရင်းမြစ်များ

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 34:1

Tinaraman nin Kagurangnan si Moises, “Magtabas ka nin duwang tablang gapo arog kan mga naenot asin isusurat ko diyan an mga tataramon na isinurat ko sa naenot na mga tablang gapo na binaraak mo.

Exodo 34:28

Nagdanay si Moises sa kaibahan nin Kagurangnan sa laog nin kwarentang aldaw asin kwarentang banggi; dai siya nagkakan o nag-inom. Isinurat niya sa duwang tablang gapo an mga tataramon kan tipan—an Sampolong Togon.

Deuteronomio 18:16

“Kan nagtiripon kamo sa Bukid nin Sinai, nakimaherak kamo na dai na magdangog kan tingog nin Kagurangnan, asin habo na nindong mahiling an naglalaad na kalayo, huli ta tibaad magadan kamo.

Deuteronomio 9:10

Dangan itinao sako nin Kagurangnan an duwang tablang gapo na sinuratan niya kan mga itinaram niya saindo hale sa kalayo kan aldaw na magtiripon kamo duman sa may bukid.