Deuteronomio 10:21 - Marahay na Bareta Biblia

²¹ Pag-omawon nindo siya huli ta siya an saindong Dios; nahiling nindo an dakula asin makangangalas na mga bagay na ginibo niya para saindo.

Deuteronomio 10:21 ပူးပေါင်းရင်းမြစ်များ

2 Samuel 7:23

Mayo nin ibang nasyon sa kinaban arog kan Israel, na saimong ilinigtas sa kaoripnan tanganing gibohon na sadiri mong banwaan. An darakula asin makangangalas na mga bagay na ginibo mo para sainda nakapabantog saimo sa bilog na kinaban. Pinalayas mo an ibang nasyon asin an saindang mga dios-dios mantang nagdadangadang an saimong banwaan, an banwaan na saimong pinatalingkas sa Egipto tanganing saimong masadirihan.

Salmo 109:1

Inoomaw taka, O Dios, hare pag-alo!

Salmo 145:6

Ibabareta kan mga tawo an mangirhat mong mga gibo; an saimong kadakulaan irurukyaw ko.

Salmo 148:14

Pinakosog niya an saiyang nasyon, kaya inoomaw siya kan saiyang mga banal, kan banwaan nin Israel na saiyang namomotan. Omawon an Kagurangnan!

Salmo 22:3

Alagad ika Banal, na an trono nasa mga pag-omaw nin Israel.

Exodo 15:2

An Kagurangnan an sakong kosog asin awit, siya an sakong kaligtasan; siya an sakong Dios, kaya sakong oomawon; Dios nin sakong ama, kaya sakong papalangkawon.

Exodo 34:10

Nagtaram an Kagurangnan ki Moises, “Makikipagtipan ako ngunyan sa banwaan nin Israel. Sa atubangan ninda, magibo ako nin ngangalasan na dai pa lamang nagigibo sa bilog na daga, o sa arin man na nasyon. Mahihiling kan gabos na tawo an darakulang bagay na gigibohon ko, huli ta magibo ako nin makangingirhat na bagay para saimo.

Isaias 60:19

“An aldaw bako na an magigin ilaw mo sa maghapon o an bulan an magliliwanag saimo sa bilog na banggi. Ako, an Kagurangnan, an saimong magigin liwanag sagkod lamang; an liwanag nin sakong kamurawayan iyo an magigin ilaw mo.

Isaias 64:3

Kaidto, nagdatong ka asin naggibo nin makatakot na mga bagay na dai mi pinaglalaoman; nahiling ka kan kabukidan asin pinagtarakigan sinda.

Jeremias 17:14

Kagurangnan, bolonga ako asin maoomayan ako; ligtasan ako asin magigin ligtas ako. Ika sana an inoomaw ko!

Lukas 2:32

sarong ilaw na magliliwanag sa mga pagano, asin magtatao nin kamurawayan sa Israel na saimong banwaan.”

Josue 24:18

Sa samong pagdangadang, pinahale nin Kagurangnan an mga Amoreong nag-erok sa dagang ini. Kaya maglilingkod man kami sa Kagurangnan; siya an samong Dios.”

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.

1 Samuel 12:24

Matakot kamo sa Kagurangnan asin maimbod na paglingkodan nindo siya sa bilog nindong puso. Giromdoma nindo an darakulang mga bagay na ginibo niya para saindo.