Deuteronomio 10:20 - Marahay na Bareta Biblia

²⁰ Matakot kamo sa Kagurangnan na saindong Dios asin siya sana an saindong pagsambahon. Magmaimbod kamo saiya asin magsumpa kamo sa saiya sanang ngaran.

Deuteronomio 10:20 ပူးပေါင်းရင်းမြစ်များ

2 Mga Hade 18:6

Nagin maimbod siya sa Kagurangnan asin dai nagsuhay saiya. Kinuyog niya an mga pagboot na itinao nin Kagurangnan ki Moises.

Salmo 63:11

Alagad an hade mag-oogma sa Dios; magmumuraway an gabos na minasumpa sa saiyang ngaran; huli ta seserahan an ngoso nin mga putikon.

Exodo 20:7

“Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, mapadusa sa kiisay man na magbasang-basang kan sakong ngaran.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Isaias 45:23

Totoo an sakong panuga, asin dai iyan maliliwat. Tudok sa puso na nanunuga ako sa gabos: Madolok an lambang saro asin maluhod sa sakong atubang patin masumpa sa sako nin kaimbodan.

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

Lukas 4:8

Nagsimbag si Jesus, “Nasusurat, ‘Sambahon mo an Kagurangnan mong Dios asin siya sana an saimong paglingkodan!’”

Mga Gibo 11:23

Pag-abot ni Bernabe duman, naogma siya nin marahay kan mahiling niya na kanigoan an bendisyon na itinao nin Dios sa mga tawo. Sinadol niya sinda gabos na magdanay na maimbod sa Kagurangnan.

Roma 12:9

Dapat tunay an pagkaminorootan nindo. Ikaongis nindo an karatan asin magdanay kamo sa karahayan.

Deuteronomio 11:22

“Maimbod na kuyogon nindo an gabos na ipinagboot ko: kamotan nindo an Kagurangnan na saindong Dios, gibohon nindo an gabos niyang ipinagboboot asin magmaimbod kamo saiya.

Deuteronomio 13:4

Magsunod kamo sa Kagurangnan na saindong Dios asin matakot kamo saiya; kuyogon nindo siya asin otobon an saiyang mga pagboot; sambahon nindo siya asin magmaimbod kamo sa saiya.

Deuteronomio 30:20

Kamotan nindo an Kagurangnan na saindong Dios, kuyogon siya, asin magmaimbod saiya, tanganing maghalawig an saindong buhay sagkod an buhay kan saindong mga kapagarakian duman sa daga na ipinanuga nin Kagurangnan na itatao sa saindong mga ginikanan na si Abraham, si Isaac asin si Jacob.”

Deuteronomio 4:4

alagad kamong nagdanay na maimbod sa saiya, buhay pa sagkod ngunyan.

Deuteronomio 5:11

“‘Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, an mapadusa sa kiisay man na magbasang-basang kan sakong ngaran.

Deuteronomio 5:29

Padagos logod sindang matakot sako asin mag-otob kan sakuyang mga togon tanganing mapakarahay sinda asin an saindang kapagarakian sagkod pa man!

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

Josue 23:7

asin dai nanggad kamo makiiba sa mga tawong ini na natatada pa diyan sa kaibahan nindo o kaya magsambit kan ngaran kan saindang mga dios-dios o magsumpa sa ngaran kan mga iyan o magsamba asin magluhod sa mga iyan.

Josue 23:8

Magmaimbod kamo sa Kagurangnan, siring sa ginigibo nindo sagkod ngunyan.

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”