Deuteronomio 10:17 - Marahay na Bareta Biblia

¹⁷ Huli ta an Kagurangnan na saindong Dios iyo an Dios nin mga dios, an Kagurangnan nin mga kagurangnan, an dakula, an makakamhan asin maninigong katakotan na Dios. Dai siya nin inaapilan asin dai siya nag-aako nin mga suhol.

Deuteronomio 10:17 ပူးပေါင်းရင်းမြစ်များ

2 Mga Cronica 19:7

Kaya magkaigwa kamo nin takot sa Kagurangnan asin isipon nindo nin marahay an saindong ginigibo, huli ta an Kagurangnan na satuyang Dios dai nagbibiko nin hustisya, mayong kinikilingan asin dai nag-aako nin suhol.”

Nehemias 1:5

“O Kagurangnan, Dios nin langit, dakula saka ginagalangan na Dios na maimbod na nag-ootob kan tipan asin danay na namomoot sa mga namomoot saimo saka nagkukuyog kan saimong mga togon;

Nehemias 4:14

Nahiling kong nahandal an mga tawo, kaya sinabihan ko sinda asin an saindang mga lider saka mga opisyal, “Dai kamo matakot sainda. Giromdoma nindo an Kagurangnan, dakula asin makangirhat siya. Ipaglaban nindo an saindong mga tugang, an saindong mga kaakian, an saindong mga agom saka mga harong.”

Nehemias 9:32

“O Dios, samuyang Dios, dakula kang gayo, makangirhat asin mapangyari! Inootob mo an tipan asin ipinapahiling mo an danay na pagkamoot. Dai mo man logod ibilang na kadikit sanang kasakitan an nag-abot samuya, poon kan apihon kami kan mga hade nin Asiria asin sagkod ngunyan; mga kasakitan na nag-abot sa samuyang mga hade, mga lider, mga padi, asin mga propeta, sa samuyang mga ginikanan asin sa bilog na banwaan.

An Libro ni Job 34:19

na dai nagpapahiling nin pagpapalaen sa mga prinsipe, ni minapaorog sa mayaman ki sa dukha, huli ta gabos sinda gibo kan saiyang mga kamot?

Salmo 99:3

An lambang saro mag-oomaw kan saiyang dakula asin ginagalangan na ngaran. Siya banal!

Exodo 23:8

Dai ka mag-ako nin suhol, huli ta an suhol nakakabuta sa tawo asin nakakapadaog sa mga tawong mayong sala.

Isaias 37:16

“O Kagurangnan nin mga hukbo, Dios nin Israel, na nagtutukaw sa trono sa itaas kan mga kerubin, ika sana an Dios kan gabos na kahadean sa daga. Ika an naglalang kan langit asin kan daga.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 20:11

Alagad ika, Kagurangnan, kasurog taka; makosog ka saka mapangyari; an mga naglalamag sako magkakadarapa. Mawawaran sinda nin onra sagkod lamang huli ta dai sinda manggagana. An pagkawara kan saindang onra dai nanggad malilingawan.

Jeremias 32:18

Nagpahiling ka nin danay na pagkamoot sa rinibong tawo, alagad pinadusahan mo an mga aki huli kan kasalan kan saindang mga magurang. O dakula asin mapangyaring Dios, na an ngaran Kagurangnan nin mga hukbo,

Daniel 11:36

“Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Daniel 2:45

Nahiling mo kun paanong nagpoon magligid an sarong gapo hale sa ampas maski mayo nin siisay man na nagduta kaiyan, asin kun paano tinamaan kaiyan an estatwa na gibo sa lansang, bronse, laboy, plata, saka bulawan. Mahal na Hade, sinasabihan ka kan dakulang Dios kun ano an mangyayari sa maabot na panahon. Sinasabihan taka kan bilog mong pangatorogan, asin itinao ko saimo an totoong kahulogan kaiyan.”

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Markos 12:14

Hinapot ninda si Jesus, “Maestro, aram mi na bako kang putikon; dai ka natatakot sa kiisay man. Dai kang pinapalaen na tawo ta dai mo tinatawan nin halaga kun ano an katongdan ninda. Itinutukdo mo an kabotan nin Dios para sa tawo. Tugot daw sa satong katogonan na magbayad nin buhis ki Cesar o dai? Dapat daw kitang magbuhis sainda o dai?”

Mga Gibo 10:34

Nagtaram si Pedro, “Ngunyan ko napatunayan na mayong pinapalaen an Dios,

Roma 2:11

Huli ta an Dios mayo nin pinapalaen.

Galacia 2:6

Alagad mayo na nin idinagdag sa sinabi ko an mga midbid na mga lider na idto. (Sinasabi ko ini huli ta para sako mayo nin kalaenan kun ano sinda kaidto, huli ta mayong pinapalaen an Dios.)

Efeso 6:9

Mga kagurangnan, siring man an gibohon nindo sa saindong mga oripon; dai nindo sinda pagpatakoton. Giromdomon nindo na kamo saka an saindong mga oripon sakop kan saro sanang Kagurangnan na yaon sa langit. Mayo siyang pinapalaen na tawo.

Deuteronomio 1:17

Dai kamo magpaorog sa kiisay man; hukoman nindo nin matanos an gabos, maski siisay siya. Dai kamo matakot sa kiisay man, huli ta hale sa Dios an paghukom na itatao nindo. Kun an kaso dipisil para saindo, darahon nindo sako, asin ako an madesisyon kaiyan.’

Deuteronomio 16:19

Kaipuhan magin matanos sinda asin dai magpaorog sa kiisay man sa saindang paghukom. Dai sinda dapat na mag-ako nin suhol, huli ta an suhol nakakabuta maski sa mga madonong asin nakakaraot kan mga matanos.

Deuteronomio 24:17

“Dai nindo paghalean nin katanosan an mga dayuhan asin an mga ilo; dai nindo pagkuahon bilang sangra sa utang an gubing nin sarong babaeng balo.

Deuteronomio 27:25

“‘Maldisyonon an siisay man na mag-ako nin kwarta tanganing gadanon an sarong tawong mayong sala.’ “Dangan an bilog na banwaan masimbag, ‘Amen!’

Deuteronomio 7:21

Kaya dai kamo matakot sainda. Kaiba nindo an Kagurangnan na saindong Dios; dakula siya asin dapat katakotan.

Colosas 3:25

An naggigibo nin maraot babalosan man para sa maraot na ginibo niya, huli ta mayo nin pinapalaen an Dios.

1 Timoteo 6:15

Sa tamang panahon, ihahayag siya nin Dios—an Dios na banal saka iyo sanang Kagsakop, Hade nin mga hade, asin Kagurangnan nin mga kagurangnan.

Josue 22:22

“An Mapangyari iyo an Dios! Siya iyo an Kagurangnan! An Mapangyari iyo an Dios! Siya iyo an Kagurangnan! Aram niya kun tano ta ginibo mi ini, asin boot mi man na makaaram kamo. Kun kami nagtumang asin dai nagin maimbod sa Kagurangnan, gadana nindo kami!

1 Pedro 1:17

Kun inaapod nindong Ama an Dios na masuripot na hinuhukoman an lambang saro sosog sa saiyang mga gibo, dapat man kamong maggalang saiya mantang nabubuhay pa kamo sa kinaban na ini.

Kapahayagan 17:14

Lalabanan ninda an Kordero, alagad dadaogon sinda kan Kordero saka kan saiyang mga inapod, pinili, saka maimbod na mga parasunod, huli ta siya an Kagurangnan nin mga kagurangnan asin Hade nin mga hade.”

Kapahayagan 19:16

Nakasurat sa gubing saka hita niya an ngaran na ini: “Hade nin mga hade asin Kagurangnan nin mga kagurangnan.”